Smástelpa í stórborg

Takk takk

2008-12-03T02:48:00.002Z

Nú er Þakkargjörðarhátíðin gengin um garð og svei mér þá ef ég gæti ekki bara haldið uppá hana á hverju ári! Eins og áður kom fram fór ég í heimsókn til Blakes vinar míns til Sugarland sem er í úthverfi Houston. Þar sem foreldar hans skildu fyrir mörgum árum og pabbi hans er nýgiftur og fluttur inn með annarri konu þá hafa Blake og systir hans gamla hús fjölskyldunnar útaf fyrir sig. Sweet! Að sjálfsögðu var því haldið partý kvöldið sem við komum sem endaði í því að eldhúsið var þakið bláu hárspreyi...Eftir að hafa borðað frekar þurran kalkún hjá afa og ömmu Blakes, sem spurðu okkur Flosa spjörunum úr um álit okkar á Jesú, fórum við Flosi með Hönnuh systur Blake's á bar þar sem geðveikt cover band var að spila. Þar komumst við að því að fólk í Houston hefur gaman af því að drekka skot...mörg skot...með mörgum tegundum af áfengi í. Ég var ekki hress daginn eftir. Sem var einmitt afmælisdagurinn minn, JEI!! Við byrjuðum daginn á því að fara í nálægt moll. Íslendingar vita það kannski ekki en dagurinn eftir Thanksgiving er kallaður Black Friday vegna þess að þá eru brjálaðar útsölur og allir Bandaríkjamenn klikkast. T.d lést einn starfsmaður Walmart í NY í ár eftir að hafa verið troðinn undir af æstum viðskiptavinum...viðskiptaÓvinum öllu heldur! HAH!...eða ekki. Allavega, við komumst fljótlega að því að þetta hafði ekki verið besta hugmynd í heimi og fórum því fljótlega heim að reyna að sofa úr okkur þynnkuna. Um kvöldið, eftir að hafa borðað vangefið góðan mat hjá hinum afa þeirra, sem btw er margverðlaunaður meistarakokkur, var svo farið aftur á barinn. Við vöknuðum öll með hálsríg daginn eftir, eftir allt rokkið. Svo heppilega vildi til að Hannah átti afmæli á laugardeginum þannig að við borðuðum á geðveikum sushi stað og fórum síðan á duelling piano bar. Þar er sem sagt svið með tveimur flyglum bak í bak og þar spila menn hvaða lag sem þeir eru beðnir um og segja brandara og svona. Að sjálfsögðu komust þeir að því að við ættum afmæli og kölluðu okkur uppá svið og létu okkur dansa við risastórt uppblásið typpi....ég hef alveg gert minna vandræðalega hluti. Seinna um kvöldið var svo komið heilt band uppá svið í brjáluðum fíling og eftir rúmlega fjögur jellóskot úr sprautu var ég dregin aftur uppá svið...hvað er málið með að þurfa að dansa eins og drusla uppá sviði?? En þrátt fyrir þetta þá skemmti ég mér sjúklega vel og það er ekki laust við að það hafi runnið eitt lítið tár niður vanga minn þegar ég þurfti að snúa aftur til Nac. En hins vegar verð ég komin í jólafrí eftir 9 daga og þá liggur leiðin beint til LA þar sem ég mun meika það í Hollywood áður en ég flýg til Orlando til að hitta fjölskylduna og Mikka Mús. Vei fyrir því!

Nei þetta er ekki búið!

2008-11-25T05:04:00.002Z

Ég er bara búin að vera frekar bissí síðustu vikur, ótrúlegt nokk!

Í þar síðustu viku vorum við Flosi með vikulangt spunanámskeið í skólanum. Það kom bara til vegna þeirra ótrúlegu leiðinda sem við höfum gengið í gegnum undanfarið. Ég var sko ekkert að grínast þegar ég sagði að Nacadoches væri krummaskuð. Námskeiðið gekk bara voða vel þó að mæting hefði mátt vera betri, en þar sem að helmingur leiklistardeildarinnar var upptekinn við að æfa stóra söngleik annarinnar,var kannski ekki við öðru að búast. Sem leiðir okkur beint inní síðustu viku:

Partur af náminu hér er að taka þátt í baksviðsvinnu við eitthvað af sýningunum sem settar eru upp í skólanum. Ég var skikkuð til að vera svokallaður dresser fyrir áðurnefndan söngleik, Big River sem byggður er á sögunni um Stikkilsberja-Finn. Vei! eða ekki...í sjö heila daga leit dagskráin mín svona út:

5:30 Mæting.
5:35-5:40 tékkað hvort allir búningar væru á sínum stað.
5:40-7:30 setið á óguðlega hörðum stól fyrir framan búningsherbergi strákanna (kannski vert að minnast á það að aðeins einn þeirra var hot)
7:30-21:15 setið á rassinum í græna herberginu.
21:15-21:20 trítlað baksviðs, rennt upp einum rennilási og hneppt tveimur skyrtuhnöppum.
21:20-22:30 setið á rassinum í græna herberginu
22:30-22:40 setið á óguðlega hörðum stól fyrir framan búningsherbergi strákanna
22:40-22:45 tékkað hvort allir búningar væru á sínum stað
22:45 FRELSI!

Eins og þið getið kannski giskað á var þetta mesta tímasóun í geimi!

Á milli æsispennandi vakta í búningadeildinni hafði ég samt tíma til að leika í stuttmynd. Mjög pretensious og asnalegri stuttmynd...engu engu að síður er það mjög gaman.

Núna á fimmtudaginn er svo hinn alameríski hátíðisdagur Thanksgiving. Ég og sambýlismaður minn erum á leiðinni til hins vel hljómandi Sugarland með amerískum bekkjarfélaga okkar sem við þekkjum eiginlega ekki neitt...það verður áhugavert! Annars er mér alveg sama hvernig verður,ég er svo guðslifandi fegin að komast burt úr Nac.

Það þarf vart að minna alla alvöru vini mína á það að næsta föstudag er stór dagur sem verður haldinn hátíðlegur um allan heim...afmælið mitt!! Ég krossa fingurna og vona að ég fái loksins fílinn sem ég er búin að biðja um í mörg ár. Skellið honum bara í ábyrgðarpóst.

Tveim vikum eftir að við komum til baka eftir Thanksgiving fríið brestur jólafríið loks á. Þá liggur leið mín beint til LA þar sem ég mun syngja hið ódauðlega lag Bran Van 3000 Drinking in LA stanslaust til 22. des þegar ég mun fljúga á vit Disneylands í Orlando að hitta familíuna. Ég hlakka rosalega til, þó að ég muni sakna jólanna á Íslandi. En maður getur ekki alveg neitað fríu fari til Flórída tvisvar er það nokkuð?

Því miður verð ég víst að snúa aftur til Texas heilum 10 dögum áður en nokkur annar gerir það. Ég sé fram á að ég haldið í hefðina og verði full að borða kakkalakka eins og ég geri venjulega þegar ég er skilin eftir ein í útlöndum....

Here I go again!

2008-10-27T04:54:00.003Z

Jæja...ég var víst eitthvað búin að tala fjálglega um það að þegar ég kæmi til Texas myndi ég sko byrja að blogga aftur til að deila ævintýrum mínum með alheiminum. Nú er ég búin að vera hér í tvo mánuði og ekkert bloggað...

Þangað til núna!!

Þessi skyndilega bloggþörf mín hefur ekkert með það að gera að ég á að vera að skrifa Reflective Journal-inn minn, onei! EKKERT! Mig einfaldlega langaði til þess að tjá mig um lífið hér í Nacanowhere.

Eins og þeir skarpari af vinum mínum hafa kannski tekið eftir þá bý ég ekki lengur í Sidcup. Ég bý ekki einu sinni lengur á Íslandi. Tja, eða í Skotlandi. Nei nú bý ég í smábænum Nacogdoches í hinu magnaða fylki Texas í Bandaríkjum Norður-Ameríku. Og mér leiðist.

Ekki misskilja mig, það hefur verið frábært að fá að kynnast ólíkri menningu og fólki. vandamálið er bara það að bærinn minn samanstendur eiginlega bara af einni götu og háskólacampusinum. Og þegar maður á ekki bíl þá minnka möguleikarnir á því að gera eitthvað skemmtilegt enn meira. En sem betur fer eru þrír af fjórum börum bæjarins í göngufæri frá íbúðinni minni. Það sem verra er er að þessir barir eru: Kúrekakaríókí, R&B næturklúbbur sem spilar engin lög sem maður þekkir, og Redneck pool-bar. Þeir sem geta giskað rétt á uppáhaldið mitt fá verðlaun....

Reyndar eru líka fullt af partýum ef maður vill, en eftir þriðja frat-partýið mitt hefur mesti ljóminn farið að keg-stöndum og beer-pongi. Og leiklistardeildarpartýin ganga aðallega útá það að reykja hass og baktala hina. Vei!

Námið hefur líka valdið mér svolitlum vonbrigðum. Allar kröfur sem gerðar voru til manns í Bruford virðast ekki eiga við hér, það er enginn agi á nemendunum og við fáum voða lítið að gera praktískt! Argh! En hins vegar er aðstaðan á campusinum frábær! Frí líkamsræktarstöð, inni- og útisundlaug, tennisvellir, körfuboltavellir, blakvellir og skvassvellir. Þannig að ég er farin að stunda líkamsrækt. Öll læknishjálp sem lesendur kunna að þurfa á að halda eftir lestur þessarrar setningar er á eigin kostnað. Svo er líka bíó á campusnum þar sem miðinn kostar dollara. Sem sagt 80 ISK þegar ég kom hingað en er nú á 120 ISK. Það er klárlega allt of dýrt.

Hvað á þessi kreppa annars að þýða ha??

En já til að berjast aðeins á móti innilokunarkenndinni sem oft grípur mann hér í Nac hef ég farið í tvær ferðir. Annars vegar til Houston og hins vegar til Dallas. Hér koma nokkrir punktar um þær:

Houston

Ætlaði að fara á tónleika með The Kooks en þeim var aflýst en í staðinn fengum við tónleika með The Wigs. Það voru ekki góð skipti.

Ætlaði að gista á Hilton hóteli, en sökum ofurölvunar ungrar stúlku sem var með í för (sem hringdi sjálf á lögguna)vorum við vinsamlegast beðin að yfirgefa herbergið.

Sat á bar eftir lokun og drakk "girlie shots" með starfsfólki og fastakúnnum.

Fann til notalgíu eftir svipuðum atvikum á Íslandi.

Hitti ameríska stelpu sem var að reyna að læra íslensku og Þjóðverja sem spurðu mig spjörunum úr um lunda. Eins gott að ég er sérfræðingur.

Dallas

Svaf yfir mig í rútuna sökum ofdrykkju kvöldið áður.

Sá staðinn þar sem JFK var myrtur og vafraði um safn honum til heiðurs.

Fór í leikhús tvisvar á eina góða sýningu og eina mjög slæma.

Fór í ævintýraleigubílaferð um ghetto Dallas.

Fór á gay-Halloween-block partý.

Drakk bara einn bjór.

Og hananú!

Flassbakk!

2008-04-06T19:13:00.002Z

Ég læri aldrei af reynslunni:

Sönnunargagn nr.1:
"Sambýlingar mínir stungu af til Slóveníu þannig að núna er ég ein og yfirgefin. Sem þýðir það að ég ráfa um borgina að degi til og spila tölvuleiki full á kvöldin. Bráðum fer ég að borða kakkalakka."

Málsgreinin hér að ofan var rituð í september árið 2006.

Málsgreinin hér að neðan var rituð í apríl 2008.

Sönnunargagn nr.2:
"Sambýlingar mínir stungu af til Íslands þannig að núna er ég og yfirgefin. Sem þýðir það að ég ráfa um bæinn að degi til og horfi á DVD full á kvöldin. Bráðum fer ég að borða maura."

Ójá ég er enn og aftur einmana í útlöndum og undir árás skordýraherja. Því miður er Sidcup ekki alveg jafn áhugaverð og Edinborg. Ég er semsagt að sigla inn í síðustu vikuna af þriggja vikna páskafríi. Ég ákvað að það væri bara vitleysa að fara heim þegar ég gæti notað tækifærið og lært rosalega mikið...riight. Ég er ekki búin að læra neitt og er eiginlega bara í frekar vondum málum.

Það sem ég hef hins vegar afrekað í páskafríinu er þetta:

1) Fór til Wales í rúma viku, en eftir traumatískt kvöld á djamminu í Swansea (eða Glaumbar City eins og ég kýs að kalla hana) nældi ég mér í heiftarlega flensu og lá því uppí sófa restina af ferðinni.

2)Lá í rúminu í rúma viku í viðbót eftir að ég kom aftur til Sidcup.

3)Horfði á alla sjónvarpsþætti sem ég gat fundið.

4)Klippti á mig topp, en nennti ekki að gera neitt í því að hann er skakkari en Amy Winehouse í góðu partýi.

5)Keypti kaffikönnu.

6)Eyddi öllum peningunum mínum í föt sem mig vantar ekki.

7)Tók að mér að keyra hljóðið á sýningu niðrí skóla fyrir kennarann minn hann Steve Dykes (hee!)

En nú fer fríið að verða búið og Íslendingarnir að týnast hingað aftur og hversdagurinn getur tekið aftur við. Verð að segja að hann er mun skemmtilegri en fríin. Vei!

Great Britain??

2008-03-10T15:31:00.002Z

Eins og dyggir lesendur þessa bloggs muna þá eyddi ég ansi mörgum orðum í það að hneykslast á því hvað Skotar væru aftarlega á merinni í ýmsum málum. Ég taldi mér samt trú um það að þegar ég væri flutt til höfuðborgar Englands að þá gæti þetta ekki verið svo slæmt...ég hafði rangt fyrir mér.

Ekkert í þessu landi virkar. Ever. Tökum sem dæmi gasmælinn á heimilinu. Hann virkar þannig að í honum er kort sem við þurfum að taka út og hlaupa með út í sjoppu þegar við viljum fylla á gasið. Nú er það búið að gerast þrisvar sinnum á stuttum tíma að þegar við stingum kortinu aftur í mælinn að þá kemur hann með hina frekar dramatísku uppástungu: Call help! Við hringjum þá í einhverja þjónustulínu þar sem okkur er sagt að við verðum að bíða eftir gasmanninum í svona 4-5 tíma. 10 tímum seinna mætir hann svo og ýtir á einn takka. Hann vill ekki kenna okkur að ýta á takkann, onei, þetta mega bara faglærðir gasmenn gera. Rugl. Ástæða þessara síendurteknu bilana var okkur svo sagt að gæti verið sú að við búum við umferðargötu. Þegar síminn hætti allt í einu að virka var okkur sagt að það gæti verið af því að símalínan hefði blotnað (við komumst seinna að því að henni hefði verið stolið...actual símalínunni sjálfri!)Sem sagt, ef að vörubíll keyrir framhjá í rigningu þá færumst við nokkrar aldir aftur í tímann! Nú er netið farið að láta illa. Ég get ekki beðið eftir að heyra hvaða útskýringu við fáum núna, kannski er röng vindátt eða eitthvað....

Solo song shareið þar sem ég þarf að syngja einsöng er á fimmtudaginn. Ég er að hugsa um að skera úr mér tunguna svo ég sleppi við það...reyndar er ég nokkuð viss um að söngkennarinn minn myndi samt láta mig syngja, "sing you fuckers!" maður rífst ekkert við svona...

Eins og Fönix úr öskunni

2008-03-03T17:38:00.002Z

Rís herraforseti upp frá dauðum. Vegna fjölda áskoranna (og alls ekki vegna þess að ég var að gúgla sjálfa mig og komst að því að þetta blogg er með því fyrsta sem kemur upp og fékk samviskubit yfir því að láta visku mína ekki lengur hellast yfir alnetsheiminn)hef ég ákveðið að byrja aftur að blogga. "En Áslaug" segið þið kannski, "blogg er löngu dautt, nú eru bara allir á facebook" "pah!" segi ég við því "ég fylgi sko ekki tískustraumum þegar kemur að því að deila vonum mínum, væntingum og þrám með fróðleiksþyrstum almenningi"

Og þar hafiði það.

Þar sem ég hef ekki bloggað síðan í byrjun síðasta sumars er nánast ógjörningur að ætla að skrifa um allt sem á daga mína hefur drifið síðan þá. Því mun ég gera lista (jei!)

ÞAÐ SEM Á DAGA MÍNA HEFUR DRIFIÐ FRÁ SÍÐASTA BLOGGI:

Ég flutti til Sidcup og byrjaði í skólanum

Ég fann íslenska rónaketti til að hanga með á pöbbnum

Ég keypti mér óeðlilega mikið magn af skóm

Ég söng fyrir framan annað fólk, ódrukkin

Ég sannfærðist um það að aldur er bara hugarástand

Ég fokkaði upp fjármálunum mínum

Ég reddaði þeim aftur (þannig séð)

Ég skemmti mér bara helvíti vel

sko sex mánuðir uppgerðir á einu bretti, djöfull er ég efficient eitthvað...

Jæja, kannski kemur annað blogg seinna, kannski ekki...

2007-06-05T14:01:00.000Z

Good times?

2007-06-05T10:37:00.000Z

4. júní:

Bogmaður 22.nóvember - 21. desember
Það verður sífellt erfiðara að fela tilfinningar þínar. Blessaðu þig og kastaðu varkárni út um gluggann. Það jafnast fátt á við ást sem felur í sér áhættu.

5. júní:

BOGMAÐUR 22. nóvember - 21. desember
Glæsileiki þinn og útgeislun laða rétta manneskju að þér. Þessi er eins og náttfiðrildi sem sveimar í ljósinu sem stafar af þér. Takið strax til starfa.

Ok, bring it on!

Ja svei!

2007-05-29T15:05:00.000Z

Nú held ég að ég deyi bara úr leiðindum.

Einmitt þegar ég hélt að ég gæti ekki orðið meira töff

2007-05-25T10:07:00.000Z

þá var ég sett í róðralið HB Granda.

Sjómannadagurinn vúúú!

Ehemm

2007-05-23T13:19:00.000Z

Ég ætlaði að vera löngu búin að blogga um heimkomuna og allt sem á daga mína hefur drifið síðan þá en...ég lenti í því að nenna því ekki.

En það verður lagað hér og nú!

Heimferðin gekk framar öllum vonum. Ég fékk góða konu á flugvellinum til þess að tékka sig inn með mér og slapp þess vegna við að borga yfirvigt, flugið gekk eyrnavandræðalaust og ég var ekki tekin í tollinum heldur var bara hlegið að mér og risatöskunni minni. Þ´ví verður samt ekki neitað að þær voru blendnar tilfinningarnar sem gagntóku mig við heimkomuna og ég gæti jafnvel hafa fellt eins og eitt salt tár við lendinguna. Kannski ekki skrýtið þar sem að í Edinborg var sól og blíða og kirsuberjatré í blóma en á Íslandi grámi,rok og rigning.

En auðvitað var gott að koma heim og var að sjálfsögðu tekið rækilega á því á djamminu. Ég er nú reyndar ansi hrædd um að bráðum fari lifrin mín að segja stopp. Og veskið reyndar líka (ég á víst að vera að spara fyrir skólanum, úbs)

Og svo er það vinnan...ah blessuð vinnan. Ég veit fátt betra en að sitja inni í litlu herbergi fyrir framan tölvuskjá að slá inn tölur í átta tíma á dag. Hollt og gott fyrir sálina segi ég. Þar sem hápunktur dagsins er að slá inn reikninga fyrir bobbingum (það var alveg gott 10 mín hláturskast, stundum er gott að vera með sex ára heila) Reyndar hafa svona kaffistofuumræður alltaf heillað mig, ég horfi bara ekki nógu mikið á Innlit/Útlit til að geta tekið almennilega þátt í þeim. En ég hef allt sumarið til þess.

Ég nota orðið bobbingar alltof lítið...

10 dagar

2007-04-20T18:47:00.000Z

Í heimkomu. Ekki laust við að það sé smá stress farið að gera vart við sig. í fyrsta lagi þarf ég að taka próf í háskólanum í fimm fögum. Eins og venjulega hef ég varla litið í bækurnar alla önnina. Í öðru lagi ákváðu allir að hætta/taka sér frí í vinnunni á sama tíma þannig að ég þarf að vinna sex daga í næstu viku og í þriðja lagi þarf ég að finna leið til að breyta þessum hundrað kílóum af drasli sem ég hef sankað að mér hérna úti í tuttugu kíló svo að ég komist með það heim án þess að þurfa að borga morðfjár. Þannig að...good times!

Þar að auki er ég að reyna að ná að gera allt sem mig langaði að gera hér úti og reyna að hitta alla og kveðja...

Fyllibyttunámsmannavinnualkaferðalangur það er ég.

Bara páskar og svona...

2007-04-10T15:41:00.001Z

Málshátturinn inni í páskaegginu mínu (takk ma og pa) var: Augað eru spegill sálarinnar. Eftir að hafa hlegið eins og hýena í nokkrar mínútur grét ég...inni í sálinni. Hvernig í fjandanum er hægt að ætlast til þess að ungdómur Íslands læri að tala gott og rétt mál ef þjóðargersemi eins og Nói Siríus getur ekki einu sinni látið prófarkalesa málshættina sína!

Í dag mætti ég, eins og svo oft áður, í vinnuna. Undarlegt nokk þá byrjaði ég að fá blóðnasir annað slagið allan daginn. Fólki þótti þetta undarlegt en ég er nokkuð vön þessu og sagði svona í gríni "Já þetta er allt dópið" Það sem ég fattaði ekki var að hér eru allir á kóki þannig að það koma bara svona undarlegur svipur á fólk og vandræðaleg þögn. Ég: "Djóóók......"

Ég kem heim 1.maí. Ég býst við móttökuathöfn í Smáralind. Bein útsending og blóm frá forsetanum. Annars fer ég aftur út!

"Dear Áslaug

2007-03-28T13:55:00.000Z

We are pleased to be able to tell you that we would like to offer you a place in the American Theatre Arts program for September 2007"

Jamm ég er semsagt komin inn í Rose Bruford leiklistarskólann í London. Ótrúlega furðulegt hvernig lífið getur breyst á svipstundu. Fyrir tveimur dögum ætlaði ég að vera í Edinborg í sumar, reyna að ná smá af festivalinu og fara svo heim og klára BA í bókmenntafræði. Núna er ég á leiðinni heim eftir mánuð til þess að vinna eins og maður sem nýtur ásta með móður sinni, sækja um styrki, búa hjá foreldrum og fara svo að búa í London (Sidcup reyndar)í tvö ár og í litlum smábæ í Texas í eitt ár. Það verður að viðurkennast að tilfinningarnar eru örlítið blendnar. Ég á eftir að sakna lífsins hér, fólksins og borgarinnar. Það er mjög skrýtið að hugsa til þess að sumt fólk á ég kannski aldrei eftir að sjá aftur. Hins vegar er frábært að vera loksins komin með stefnu í lífinu og fá að læra það sem mig langar mest til.

En fyrst þarf ég að ná prófunum í bókmó...áhuginn er ekkert brennandi núna en fjandans námslánin krefjast þess. Erfitt að vera svona gráðugur.

Sorrí!

2007-03-09T20:47:00.000Z

Ég hef ekkert bloggað í milljón ár, er búin að vera á kafi, allir að senda mér góða strauma í fyrramálið!

Við erum blair,við erum hvítir...tralla la

2007-02-10T17:10:00.000Z

Borgin mín er full af bullum. Fullum bullum. Í dag er Skotland að keppa við Wales í rugby og leikurinn fer fram hér í Edinborg. Ég spái óeirðum hvernig sem fer.

Ég er auðvitað ekki svo ófáguð að ætla að horfa á leikinn með bjór í annarri og haggis í hinni. Onei, ég ætla í kokteilboð með íslensku mafíunni, í kjól og hælum með mojito í annarri og páfugl í hinni (eða eitthvað annað álíka fágað, ég á engan páfugl í alvörunni).

En af því að heimurinn hatar mig, allir eru á móti mér og ég á mest bágt í heiminum þá er ég að fara að vinna í fyrramálið og get því ekki verið fáguð mjög lengi. Aumingja, aumingja ég ;)

If we had monkeys in Scotland, we'd deepfry them.

2007-02-07T00:22:00.000Z

Ég fór að sjá Last King of Scotland um daginn, og vá maður. Vá. Ég elska myndir sem hreyfa svona við manni. Þegar ég kom út átti ég erfitt með andardrátt og hjartað hamaðist á fullu og allt var einhvern veginn öðruvísi en þegar ég fór inn. Mæli með henni.

Fyndið samt hvað það blossaði uppí manni mikill þjóðerniskennd þegar Skotland kom við sögu, ég er greinilega farin að aðlagast :)

Af hverju eru ekki 30 klukkustundir í sólahring??

Vor í lofti

2007-01-31T19:03:00.000Z

Nú eru góðir gestir farnir aftur heim til sín og þar af leiðandi hef ég ekki lengur afsökun fyrir því að gera ekkert skynsamlegt. Ég hef komist að því að ég hef lítinn sem engan sjálfsaga, sérstaklega ekki þegar ég er sofandi. Kannski ég ætti bara að hætta að sofa...

Ég þoli samt ekki hvað ég er alltaf brjálaður orkubolti þegar ég ligg uppi í rúmi og er að reyna að sofna. Ég fæ alltaf brilliant hugmyndir sem eiga eftir að gera mig ríka/fræga/frábæra en fer samt aldrei fram úr rúminu til þess að skrifa þær niður eða gera eitthvað í málunum. Onei, Guð forði mér frá því að fara framundan sænginni!

Ég er ekki frá því að það sé að koma svolítill vorfílingur í mig og Edinborg. Það er fínt, veturinn er leiðinlegur.

Ég fór í búð í dag og keypti mér BLEIKA skyrtu og KJÓL. Ég veit ekki hvað er að gerast með mig.

Skál

2007-01-27T19:18:00.000Z

Skál fyrir vinum sem eiga afmæli!

Skál fyrir vinum sem eru ekki lengur hér...

Hlutir

2007-01-15T20:35:00.000Z

Hlutir sem ég gerði á Íslandi:

Fékk jólagjafir

Borðaði rosalega mikið kjöt

Djammaði

Hitti fólk

Fór í leikhús

Var þakklát fyrir þráðlaust net

Fór mikið í bað

Borðaði pulsu

Hlutir sem ég ætlaði að gera á Íslandi en gerði ekki af því að ég er asnaleg:

Fara í sund

Fara á Gráa

Dansa

Kaupa buxur

Kaupa eitthvað íslenskt handa vinnufélögunum

Það var rosa skrýtin tilfinning að fara að heiman til þess að fara heim. Það var gott að koma heim, á báða staði. Þrátt fyrir að mér hafi fundist ég vera óralengi í burtu virtust allir sem ég þekki í Edinborg muna eftir mér. Svona nokkurn veginn. Og lífið gengur sinn vanagang.

Ég er að vinna hörðum höndum að því að verða betri og meira fúnkerandi manneskja. Það gengur rosavel í teoríu, en ekki alveg eins vel í praxís. En ég er alla vega orðin námsmaður enn einu sinni og er meira að segja byrjuð að lesa námsefnið. Hah!

2006-12-16T00:01:00.000Z

Jæja...bara 7 dagar í heimferð. Ég verð að játa að ég er orðin alveg hrikalega spennt, enda Ísland orðið að hinu fullkomna landi í hausnum á mér. Á Íslandi eru allir vinir manns. Á Íslandi er hægt að finna alllt sem mann langar í. Á Íslandi er ekkert vesen. Á Íslandi er alltaf partý. Á Íslandi...

En það er nóg að gerast í Edinborg þangað til. Ég er sem betur fer búin með öll jólainnkaup, fyrir utan Secret Santa gjöfina fyrir "Secret Santa Shenanigans" sem er í vinnunni á miðvikudaginn. Hvatt er til kaupa á klámi og öðrum sora en sem betur fer er það ekki skylda því ég dró yfirmann minn. Ég veit ekki alveg hversu þægilegt mér fyndist að gefa fullorðnum yfirmanni mínum, sem á von á barni á næstu vikum, klám í jólagjöf. En kannski er ég bara tepra. Ég er nokkuð viss um að ég fái eitthvað mörgæsatengt frá mínum secret santa, því samstarfsmenn mínir eru með mig og mörgæsir á heilanum og þreytast seint á því að segja sögur af fræknum sigrum mínum í bardögum við mörgæsirnar sem þeir halda að búi á Íslandi.

Ég er með brjálað hauskvef. Ekki í nefinu samt en það vellur endalaust útum augun á mér og eyrun. Það er ekki jafn skemmtilegt og það hljómar.

Sofa....Sé ykkur eftir sjö daga!

meira ammli

2006-12-06T17:47:00.000Z

Ég verð að játa að ég nenni ekki að skrifa blogg. Enda held ég að bloggið sé dautt. Það er ekki lengur svalt að blogga. Það er varla lengur svalt að vera á MySpace. Sem gerir mig ofboðslega ráðvillta, því eins og allir vita er það mér ávallt efst í huga að vera svöl.

En þar sem ég er nú byrjuð að skrifa þetta blogg get ég alveg eins skrifað um það sem á daga mína hefur drifið síðan síðasta færsla var skrifuð.

Afspyrnuhár aldur minn hefur í rauninni voða litlu breytt. Mér yngra fólk virðist ekki sýna mér meiri virðingu, né virðist mér eldra fólk hlusta meira á mínar skoðanir. Ég hef hvorki virðingu né aðdáun annarra.

Það sem ég hins vegar á eru bestu flatbýlingar í heimi (flatbýlingar er víst orð). Það sem átti að verða rólegur afmæliskvöldverður breyttist til hins betra þegar Sibba skipaði kvöldverðargestum og afmælisbarni ákveðinni röddu að vinsamlegast hypja sig niður á barinn því hún þyrfti að undirbúa afmælisgjöfina mína. Ég verandi andlega fimm ára gat varla setið kjurr í sætinu mínu þennan hálftíma sem við sátum á barnum og var farin að ímynda mér að uppi biði mín lítill sætur hvolpur já eða jafnvel fíll (af hverju fæ ég aldrei fíl í afmælisgjöf?) En það sem beið mín var svo miklu betra. Ég opnaði dyrnar inní stofu og við mér tóku hróp bæði á íslensku og ensku. "Surprise" "Óvænt" (ok kannski ekki á íslensku) Ég tók þessu að sjálfsögðu með jafnaðargeði, lokaði stofuhurðinni, spurði Sibbu hvort hún væri að grínast (neibb),opnaði hurðina aftur og datt skjálfandi í sófann. Við tók svo kvöld af innisprengjum, perumúsum og trylltu limbói. Best.Birthday.Ever.

Þeir sem þekkja mig ágætlega ættu að vita það að mig hefur langað í surprise-partý í mörg ár og ímynda mér á hverju afmæli að mínir bestu og kærustu vinir muni nú loksins halda það fyrir mig. Ég held að ég hafi hins vegar aldrei minnst á það við Sibbu og Andra....Það er greinilegt að ég þarf að fara að hugsa um vinauppröðunina....

Neinei ég er bara að spauga. Takk allir fyrir kveðjurnar og gjafirnar. Þið áttuð öll þátt í frábærum afmælisdegi.

En nóg um það. Fátt annað hefur drifið á daga mína síðan. Ég nældi mér í einhverja flensu og hef aðallega legið uppi í rúmi og ímyndað mér að ég sé Audrey Hepburn.

Ég kem heim eftir 16 daga!! Hlakka ekkert smá til að hitta alla. VEI.

As time goes by..

2006-11-27T19:33:00.001Z

Á morgun verð ég gömul kona. Æskuljómi minn og yndisleiki mun sogast burt og við tekur hrörnun, ábyrgð og botox. Það verður ekki lengur krúttlegt að vera að dandalast tilgangslaust um lífið. Onei. Fólk á eftir að horfa á mig með vorkunn í augunum og segja "æj greyið, hún heldur að hún sé ung ennþá" Úff.

Vonarglætan í myrkrinu er hins vegar sú að ég virðist ennþá hafa andlegan þroska á við fimm ára barn. Sem þýðir það að ég er að fara yfir um af spenningi yfir afmælinu mínu.
Samt ætla ég að hafa þetta mjög rólegan og siðsaman afmælisdag. Bara rólegan kvöldmat með vinum og góðu víni. En ég gat varla sofið í nótt af spenningi, og á örugglega ekki eftir að sofa í nótt. Ég hef samt skánað mikið síðan ég var lítil og foreldrar mínir voru yfirleitt hræddir um að ég fengi taugaáfall ég var svo æst. Það endaði yfirleitt með uppköstum...Vonum bara að annað kvöld endi ekki eins.

En:

Skál fyrir afmælum

Skál fyrir því að vera ungur í anda

2006-11-23T21:22:00.000Z

Líkami minn er í verkfalli. Eftir fimm daga intensíft fyllerí, göngur og verslunarferðir hefur hann gefist upp.

Ég á ammli eftir 5 daga. Vei!!!! Ég þakka góðum konum góðar gjafir (ég stalst til þess að opna) en kenni þeim alfarið um ef ég verð orðin 100 kíló þegar ég kem heim.

Sem er eftir mánuð.

Vó.

Það er eins gott að þið farið að skipuleggja partýin!

IF YOUR LIFE WAS A MOVIE, WHAT WOULD THE SOUNDTRACK BE?

2006-11-06T20:32:00.000Z

Steli steli....

1. Open your library (iTunes, Winamp, Media Player, iPod, etc)
2. Put it on shuffle
3. Press play
4. For every question, type the song that's playing
5. When you go to a new question, press the next button
6. Don't lie and try to pretend you're cool...

Opening Credits: The Wizard and I-Úr söngleiknum Wicked (Vá kúlið er strax farið, þetta er greinilega sjónvarpsmynd)

Waking Up: Fever-Beyonce (Ég vakna í svart-hvítum soft focus, fullkomlega
máluð og með blásið hár, set á mig perlufestina og kveiki í sígarettu)

First Day At School: Five For Fighting-Easy Tonight (Ég stend ein á ganginum, allir farnir í tíma og enginn vill vera vinur minn)

Falling In Love: Cat Power- Yesterday Is Here (Við í slo-mo, að gera alls konar artí hluti)

Fight Song: Jeff Buckley- Last Kiss Goodbye (segir sig sjálft)

Breaking Up: Jeff Buckley-In My Arms (Jeff er greinilega maðurinn til að enda samband við)

Prom: Ying Yang Twins- Shorty Trick (Klassískt amerískt prom atriði sem endar með því að ég er kosin Prom Queen, allir taka andköf, einhver einn byrjar að klappa og svo taka allir undir)

Life: Count Basie- Lullaby Of Birdland (Ég geri mín daglegu störf í djassswingi)

Mental Breakdown: Alekas Attic-Below Beloved (Ég fæ taugáfall við vælið í River Phoenix)

Driving: Herbie Hancock-Rockit (Í blæjubíl, með blæjuna niðri, sólgleraugu og hárið flaksandi í vindinum)

Flashback: Johnny Cash-Personal Jesus (Flassbak á einhverjum seedy bar í Bandaríkjunum in the '70s)

Getting back together: Scrubs-Goodtime ("Are you having a goodtime?" Ójá)

Wedding: Jeff Buckley-Everybody Here Wants You (Okei Jeff er greinilega gaurinn fyrir öll ástarmál)

Birth of Child: Franz Ferdinand-40' (krakkinn minn verður töffari í þröngum gallabuxum)

Final Battle: The Velvet Underground-Stephanie Says (Ekki mjög tilkomumikill bardagi, frekar kósí bara)

Death Scene: Lily Allen-Shame For You (Hmmm...ég dey greinilega á einhvern asnalegan hátt)

Funeral Song: Sigur Rós-Flugufrelsarinn (Frekar viðeigandi bara)

End Credits: The Brian Setzer Orchestra-Rock This Town (Smá Jive yfir kreditunum)

Hmmm...

Stöff

2006-11-03T18:10:00.000Z

Á miðvikudaginn var Halloween. Ég var nú ósköp róleg en fór samt að sjá skrúðgöngu:

Jólaskreytingar og jóladót er löngu komið í búðirnar hérna og þess vegna er maður orðin hálf ónæmur fyrir jólastemmningu (enda nóvember nýbyrjaður fjandinn hafi það. Geðsjúklingar!)en í dag gerðist nokkuð gleðilegt sem bræddi mitt kalda jólahatandi hjarta. Starbucks skipti yfir í jólamatseðilinn, sem þýðir bara eitt: EGGNOG LATTE! Vííííííí! Lífið er gott.

Vinnan göfgar mig

2006-10-25T20:30:00.000Z

Ykkur öllum til ánægju og yndisauka hef ég ákveðið að segja ykkur svolítið meira frá vinnunni minni:

Ég er að vinna á kaffihúsi sem heitir Black Medicine (það sem indíánar kölluðu kaffi). Þetta er frekar kósí staður sem selur, auk kaffi, alls konar beyglur, panini og smoothies. Við erum sex að vinna þarna, fimm stelpur og einn strákur sem heitir Kyle og kann nú þegar eitt orð í íslensku: Sjáumst. Hann galar því yfir allt "Tjámts!" í tíma og ótíma og hljómar soldið eins og hann sé þroskaheftur. Honum fannst það ekki fyndið þegar ég sagði honum það. Ég er eini starfsmaðurinn sem hefur ensku ekki að móðurmáli sem er fínt og mjög óvenjulegt. Eigandinn er lítill ofvirkur Skoti sem heitir Dougal og virðist aldrei verða reiður. Mér finnst það grunsamlegt. Einu sinni áttu Dougal og meðeigandi hans líka hæðina fyrir ofan og ráku þar veitingastað sem hét Nicholsons. Þangað vandi komur sínar ung kona sem sat tímunum saman og skrifaði í dagbókin sína. Hún gaf seinna út bók um strák sem hét Harry Potter. Þær eru víst frekar frægar. Þetta gerir það að verkum að á hverjum degi fáum við inn túrista sem eru að leita að veitingastaðnum, örugglega í von um að þeir fái hugmynd að metsölubók. Undarlegt og soldið pirrandi.

Fjandans hárgreiðslugaurinn sem skemmdi á mér hárið elti mig uppi og vill fá að klippa mig meira. Ég sagði nei. Þau mistök geri ég ekki aftur.

Nennir einhver að fara með vídjókameru í bíó og taka upp Börn og Mýrina og senda mér?

Halló vín!

2006-10-23T16:18:00.000Z

Nú fer að líða að hrekkjavöku, sem er frekar mikið mál hér. Á sunnudaginn er hrekkjavökupartý á vinnustaðnum mínum. Ég þarf hjálp. Hvað á ég að vera??? Ég vil helst ekki eyða neinum pening, en ég er ekki með nein búningaleg föt með mér. Argh!

Hvað segiði, einhverjar hugmyndir?

Óður til hárgreiðslumanns

2006-10-13T20:30:00.000Z

Fyrirgefðu mér elsku hárgreiðslumaðurinn minn. Ég braut loforðið. Ég hélt framhjá þér. En ég gerði það bara af því að ég sakna þín svo mikið. Það er of langt síðan að fimir fingur þínir hafa leikið um lokka mína. Of langt síðan að við höfum ákveðið að rokka saman. Frá þér kom ég alltaf skokkandi út með bros á vör og fallegt hár. Aldrei sveikst þú mig. Ég lofa að ég geri þetta aldrei aftur. Og nú stend ég við það! Það var hann sem tældi mig með gylliboði um ókeypis klippingu. Aldrei aftur mun ég falla fyrir því. Ég er eyðilögð. Hárið á mér er eyðilagt.

Ég lít sem sagt út eins og sex ára stelpa að framan og sex ára strákur að aftan (ég er með svona trailer trash skott)

Allir eru að fara á októberfest og í vísindaferð. Ekki ég. Ég sit uppí rúmi að borða snakk og drekka bjór...aftur.

Með ljótt hár.

2006-10-09T21:09:00.000Z

Ég held að ég hafi óvar flutt í eitthvað þriðja heims land...Hér er ekki hægt að fá:

-Ostaskera

-Örbylgjupopp

-Hvítkál

-Brauð sem er ekki hvítt

-Frítt internet á kaffihúsum (mjög sjaldgæft)

-Bankareikning

-Bókasafnskort

Okei það er alveg hægt að fá síðustu tvo liðina en það er fjandans bögg. Hinsvegar er hægt að fá mikinn bjór, og sjaldan hef ég bjórnum neitað. Sem aftur leiðir til þess að lifrin mín er á mörkum uppreisnar.

Í dag byrjaði ég í nýju vinnunni minni, sem er ekki vinnan sem ég bloggað um síðast. ég er búin að vera frekar óheppin með vinnur hérna. En nú er ég sem sagt byrjuð að vinna á mjög fínu kaffihúsi sem heitir Black Medicine og er bara 5. mínútum frá íbúðinni minni. Í dag var fyrsti dagurinn minn og mér líst bara mjög vel á bæði vinnustaðinn og samstarfsfólkið, sem allt tekur sér minnst hálftíma á dag í að reyna að segja nafnið mitt. Engum hefur enn tekist það.

Ég hef komist að því að ég er vélmenni og ég er búin að afneita vinstri handleggnum á mér, frá olnboga og niður.

Cheers!

Jíhaaa!!!

2006-09-30T15:42:00.000Z

Ég er komin með vinnu og því ekki lengur partur af dreggjum samfélagsins!

Eða þannig.

Drúsla hvað?

2006-09-23T14:29:00.000Z

Loksins loksins eru bæði meðleigjendur og internetið komið heim. Munnurinn á mér hefur ekki fengið svona mikla æfingu í þrjár vikur og geðheilsan virðist vera nokkurn veginn i lagi. Það er að mikli leiti því að þakka að foreldrar mínir voru orðin svo áhyggjufull að þau ákváðu að senda mig eins og hvern annan vandræðaungling til ættingja í sveitinni. ´Nema það að sveitin heitir London. Þar var ég í fjóra daga og lenti í miklum ævintýrum m.a. rakst ég á þenna gaur:

Það var súrrealískt.

Svo fann ég vinnu en týndi henni aftur.

Það var undarlegt.

Eitur hefur verið keypt til að losna við óboðna gesti (pöddur sko, allir aðrir eru velkomnir)

Það er gott.

2006-09-11T12:17:00.000Z

Æj þetta er nú ósköp ljúft ég sit á Kaffibars/Sirkus kaffihúsinu mínu (það eina með fríu neti), sötra kaffi, horfi út um gluggann á sólina og léttklædda fólkið úti og hlusta á einhvern kúnna spila djassútgáfu af Girl From Ipanema á píanóið. Ah lífið er ljúft...

Ég er hins vegar ekki komin með vinnu, undarlegir misskilningsreikningar hrúgast inn um lúguna sem ég get ekkert gert í af því að ég heiti ekki Andri, og það versta af öllu: Ég er ekki ein í íbúðinni. Onei ég hef mér til ánægju og yndisauka fullt af pöddum sem félagsskap. Því miður þá hata ég pöddur út af lífinu og hræðist þær meira en margt annað. Sem veldur því að ég læðist um heima hjá mér og kveiki öll ljós áður en ég þori að stíga inn í herbergin (ég held að þetta séu silfurskottur) og um daginn eyddi ég heilu kvöldi sitjandi í gluggakistunni vegna þess að ég sá eitthvað risastórt ógeð detta af stólarmi niður á gólf. Leigusalinn segir að meindýraeyðir sé á leiðinni en hér í landi skriffinskunnar tekur það örugglega þrjár vikur!! Argh!

Það á líka eftir að koma í ljós hvort einveran hafi einhver langvarandi áhrif á geðheilsu mína. Ég er farin að tala ansi mikið við sjálfa mig, en mér finnst ég skemmtileg þannig að það er allt í lagi, en ég er ekki enn farin að safna hári úr vaskinum og búa til brúður til að sitja með mér við kvöldmatarborðið...hmmm hugmynd.

Edinborg

2006-09-05T16:41:00.000Z

Jæja þá er maður kominn til útlandanna. Það er rosalega skrýtið að koma aftur á stað sem maður hefur búið á áður. Maður þekkir allt en samt ekki.

Við fengum algjört sjokk þegar við komum inní íbúðina. Hún var ÓGEÐ! Fólkið sem var á undan okkur hafði bara leigt hana yfir festivalið og hafði greinilega aldrei nennt að þrífa neitt. Hún angaði af þunnum karlmönnum og sængurnar voru orðnar gular. Eftir að hafa kyngt gubbinu drifum við okkur útí búð að kaupa nýjar sængur og hreinsiefni og eyddum fyrsta deginum okkar í að þrífa allt hátt og lágt. Eftir stórhreingerninguna kom í ljós þessi líka frábæra íbúð á besta stað í bænum sem við erum alsæl með. Atvinnuleit gengur ekkert alltof vel, sem gæti stafað að einhverju leiti af því að ég hef ekki sótt um neina vinnu en það horfir allt til betri vegar um leið og internetið lætur sjá sig heima.

Sambýlingar mínir stungu af til Slóveníu þannig að núna er ég ein og yfirgefin. Sem þýðir það að ég ráfa um borgina að degi til og spila tölvuleiki full á kvöldin. Bráðum fer ég að borða kakkalakka.

Ég endurtek að allir gestir eru velkomnir. Það er nóg pláss!

Stofan mín

Herbergið mitt áður en ég kom mér fyrir

kúlið og missir þess

2006-08-15T22:17:00.000Z

Ég fór í magnaða úti/innilegu með Stúdentaleikhúsinu um helgina. Langt síðan ég hef sunigð jafn mikið. Auk þess tókst okkur að græta tvo fullorðna karlmenn á innan við 10 mínútum sem verður að teljast nokkuð góður árangur. Mér tókst einnig að missa kúlið tvisvar sinnum yfir helgina. Það er ekki mjög góður árangur.

Ótrúlega er skrýtið að fara í gegnum kassa sem maður pakkaði niður í fyrir þremur árum. Blast from the past...

3 dagar í Snakes on a plane!!!!

Matur

2006-08-08T21:04:00.000Z

Af hverju er matur orðinn að svona mikilli þráhyggju hjá heiminum? Hann getur valdið samviskubiti, verið leið til að hafa stjórn á sér eða öðrum, valdið heilsukvillum ofl. Ætli flestir eyði ekki góðum parti úr hverjum degi í að hugsa um mat og, sérstaklega kannski stelpur , í það að hafa áhyggjur af honum. Hver kannast ekki við það að vera með samviskubit yfir því að hafa borðað of mikið og hugsa: "ég borða þá bara ógeðslega lítið á morgun"? Anorexía, búlimía og matarfíkn eru allt þekktir sjúkdómar og nú er sífellt að færast í vöxt fyrirbrigði sem kallast "Attention eaters". Þetta eru sem sagt konur (yfirleitt) sem hætta algerlega að borða í einhvern tíma til þess að fá sínu framgengt t.d. mamma vill ekki leyfa mér að fara á tónleika þannig að ég hætti að borða í 3 daga til þess að refsa henni. Þetta eru náttúrulega bara ýkt frekjuköst. Það er fáránlegt að hlutur sem á bara að gegna því hlutverki að halda manni á lífi sé farinn að stjórna lífi fólks út um allan heim. Hvað er næst? Fer fólk að halda niðri í sér andanum til þess að ná stjórn á lífi sínu eða til þess að refsa öðrum?

Mér finnst leiðinlegt að standa í launaveseni...

Bleargh

2006-08-06T00:11:00.000Z

Þetta sumar er held ég leiðinlegasta sumar síðan guð var lítil stelpa. Sem hefur bein áhrif á andleysi þessa bloggs. En það lagast vonandi næstu helgi þegar ég fer í fyrstu almennilegu útilegu sumarsins. Þar mun vera gaman þótt veðurguðirnir verði kannski fúlir.

Bleh...andleysi...

Ég vil koma því á framfæri að ákveðinn Lundúnabúi hefur ekki staðið sig sem skildi í hittingi og fær því mínus 10 stig í kladdann. Ég nefni engin nöfn..

Veiii!!!

2006-07-26T17:27:00.000Z

Shiiit!! nú er bara rúmur mánuður þangað til ég flyt út. Fooookk!! Það er ekki laust við að maður finni fyrir smá stressi. Og spenning auðvitað. Úff ég held ég sé bara orðin of góðu vön eftir að hafa verið á hótel mömmu núna í rúmt ár...

Gaman gaman :)

Hlutir sem rettlæta tilveruna

2006-07-15T18:46:00.000Z

Bjór

Empire

Bananafreyðibað

Auður

Draculabrjóstsykur

Scrubs

Satay-kjúklingsalat

Barinn

Útsölur

Banana-bodylotion

Útlönd

Sólskin

what i did this summer

2006-07-09T22:37:00.000Z

ég er enn á lífi!

Ástæða bloggleysis er einfaldlega sú að tölvan mín er í hakki. Ástæða tölvuhakksins er sú að ég hélt að ég væri smá tölvunörd. Ég er klárlega bara of töff.

Það hefur ýmislegt gerst síðan ég bloggaði síðast. T.d:

-Ég fór í ævintýraferð til hinnar framandi borgar Osló.
-Ég hélt ég myndi deyja úr leiðindum í hinni framandi borg Osló.
-Mér tókst að koma því þannig fyrir að eg vinn þrjár vinnur en er samt búin kl. 18:00 og næ ekki 150. þús kalli í laun.
-Ég fann hamingjuna.
-Ég týndi henni aftur.
-Ég gerðist dagdrykkjumaður.
-Ég spilaði Trivial með fyrrverandi stjórnanda Gettu betur og átti alla vega 1/4 í glæstum sigri liðsins.
-Ég lenti í perrakalli.
-Ég komst að því að það að fela sig inná klósetti er kannski ekki þroskað en það losar mann við perrakalla.
-Ég fór í útilegu og fraus næstum því í hel.
-Ég átti eftirfarandi samræður:

Ung kona: Sko líffæraígræðslur í dag eru aðallega framkvæmdar með líffærum úr Svíum.
Ég (hugsa): Ha? Svíum?
UK: Já það er náttúrulega miklu auðveldara að nálgast þau.
Ég (hugsa): Ha? en af hverju að vera að fljúga með þau alla leið frá Svíþjóð??
UK: Svo eru þau líka svo lík mannslíffærum.
Ég (ennþá að hugsa): Vó róleg á fordómumunum!

5 mín. seinna

Ég:....óóóó djók þú meinar svínum!!!

Ég tek það fram að ég var ódrukkin...bara kjánaleg.

Tæknivandræði

2006-04-30T20:49:00.000Z

Jæja þá er það loksins búið (vonandi), linkalistinn mættur hress og kátur. En til hvers? Núna er blogg ekki lengur heitt, neeeei, það er jafn kalt og ponsjó, jafnvel kaldara. Núna er það bara myspace sem blívar. Ég á ekki myspace síðu og var búin að taka þá ákvörðun að fá mér ekki svoleiðis. En ég er farin að finna fyrir þrýstingi tískubylgjunnar "koddu á myspace þar er allt svala fólkið" segir hún og ég held svei mér þá að það fara að líða að því að ég geri mér svona síðu. Ég er nú einu sinni komin með minnsirkus síðu. En hvað á svo eftir að gerast um leið og ég er komin með svona myspace dót? Jú myspace dettur úr tísku og eitthvað annað æði hellist yfir allt svala fólkið. Hvernig á maður að geta haldið í við þetta?

Ég elska sumardjömm sem fara meira í það að vera úti að príla og syngja heldur en að kúldrast á einhverjum sveittum skemmtistöðum. Gleðilegt sumar!

2006-04-26T00:52:00.000Z

Ég hata tölvur.

Verð að sofa.

Laga seinna

Koma svo!

2006-04-21T00:10:00.000Z

Jæja, nú eru síðustu forvöð að koma og sjá sýninguna, lokasýning á laugardaginn. Þeir sem eiga eftir að koma og vilja halda vináttu minni vinsamlegast andskotist til að koma! Kostar bara 800 kall fyrir háskólanema þannig að ekkert væl. Svo verður brjálað reif-partý á Stúdentakjallaranum eftir á, glowsticks og læti.

Svo er sumarið bara komið. Hoppaði inní það með mjög formlegum hætti í sumarpartýi í gær og fór síðan í sumargleði með snú-snú o.fl. í dag. Brjálað dugleg.

Fólk er eitthvað að hrauna yfir nýja fína linkalistann minn. Ég get sko alveg tekið hann út aftur vanþakklátu aular!

Hrmpff!!

Ja svei!

2006-04-14T15:44:00.000Z

Haldiði að maður sé ekki bara kominn með linkalista og fínerí. Hah! Þetta kostaði samt blóð svita og tár og núna sit ég uppi með þetta ljóta template. En hvað um það, ég á alla vega linkalista.

barabb

2006-04-03T00:36:00.000Z

Úff! Er farin að geta andað aftur....

Þeir sem þekkja mig ættu að vita að ég er svona týpa sem kemst oft að niðurstöðu. Þetta eru sem sagt niðurstöður helgarinnar.

1) Ég þarf áfengi til að skemmta mér. Sérstaklega á Vegamótum.

2) Þetta template er fokkt, ég get ekki sett inn linkalista, linka né myndir. Bæti úr því þegar ég nenni.

3) Ég þarf svefn til að fúnkera.

Takk fyrir.

Gasp!

2006-03-31T13:27:00.000Z

Ok nú er ég hætt að geta andað. Fimm dagar í frumsýningu og við höfum enga tónlist, ljósin eru ekki tilbúin og við höfum engan endi. Argh!

Allir að koma samt og sjá. Farið á www.studentaleikhusid.is Núna!

Músík

2006-03-22T16:09:00.000Z

Skemmtilegt hvað tónlist hefur áhrif á göngulag manns. Ég var eins og svo oft áður að rölta niður Laugaveginn og hlusta á ipodinn minn. Fyrst var ég að hlusta á It's a motherfucker með Eels og þá gekk ég hægum þungum skrefum, hokin og starði niður í götuna. Á eftir því kom svo Red right hand með Nick Cave og þá rétti ég snarlega úr bakinu, stikaði ákveðnum skrefum og mætti augnaráði allra sem mættu mér. Svo fór ég og fékk mér kaffi í götumáli (sem gerir mann automatískt meira kúl) hlustaði á Groovin með Damian Rice og hálfvalhoppaði brosandi alla leiðinna út í strætóskýli. Magnaðast af öllu er samt að labba upp Laugaveginn að kvöldi til með Good morning captain með Slint á fullu blasti í eyrunum. Mæli með því.

vitleysingur

2006-03-18T15:56:00.000Z

Alveg er það merkilegt hvað manni finnst oft, á öðrum bjór, meiri bjór og 3 tíma svefn vera frábær hugmynd. Mér fannst það frábær hugmynd í gær. Mér fannst það ekki frábær hugmynd í morgun þegar ég skakklappaðist í vinnuna í litlu skónum hennar Ingu af því að mínir voru svo blautir.

Það er samt líka alveg merkilegt hvað það er gaman að djamma þegar maður ætlar ekki og á ekki að vera að djamma. Það var t.d. gaman í gær. Ég söng írsk þjóðlög, gifti mig tvisvar, dansaði eins og óð væri og borðaði pulsu með engu (og Ingu).

Ótrúlega retro vinnudagur í dag. Ég mætti þunn, var að vinna með Gunnhildi og það var brjálæðislega KREISÍ mikið að gera. Allt þetta hefur ekki gerst í langan tíma. En samt var það ekki gaman.

En núna ætla ég að fara að sofa og vera bara heima í kvöld!

Aftursnúin

2006-03-17T13:48:00.000Z

Ég er ömurlegur bloggari, ég veit það. Undanfarið er bara eins og ég hafi misst allan áhuga á því að blogga, það er orðið að einhvers konar kvöð og ég er náttúrulega svo mikill rebell að ef ég Á að gera eitthvað þá geri ég það alls ekki. En núna er ég að blogga. Samviskubitið varð mér ofviða.

Góðu fréttirnar eru þær að tilvistarkreppan er liðin hjá í bili. Ég ákvað að vera bara ánægð með að vera búin að taka ákvörðun um að fara út í haust og láta bara þar við sitja. Hitt reddast svo bara seinna.

Slæmu fréttirnar eru hins vegar þær að ég á mér ekkert líf lengur. Stúdentaleikhúsið stal því. Það lítur meira að segja út fyrir það að ég sé ekkert að fara að djamma um helgina! Það hefur ekki gerst frá því að ég var lítil stúlka. Samt er ógó gaman í Stúdentaleikhúsinu og allt stefnir í að við setjum upp súrustu sýningu sem sést hefur á íslensku leiksviði. Skyldumæting fyrir alla.

Vá það er svo langt síðan ég hef bloggað að ég á alveg eftir að tjá mig um fullt af hlutum. Ég var búin að semja fullt af bloggum í hausnum á mér en nú er ég búin að gleyma öllu. Hmmm...smá upptalning:

Óskarinn: Skandall!!

Pétur Gautur: Var að bíða eftir bestu leiksýningu í heimi en hæpið sveik hana, hún er bara góð. Mér finnst það samt mjög góð þróun að hafa unga, myndarlega leikara á nærbuxunum mestalla sýninguna. Meira svona takk.

Síðasta helgi: Er ég í alvörunni eina manneskjan sem fílar rokkabillí í tætlur? Hættiði að þykjast vera svona kúl alltaf.

Foreldrar í útlandinu: Komu heim með báðar seríur af Arrested Development og ipod airplay. Ég er glöð.

Linkalist: Ég virðist vera með eitthvað undarlegt template því það er ekki gefinn neinn kostur á linkalista, ég skal fara að finna út úr þessu bráðum svo ég geti hætt að vera svona sjálfhverf. (æj hvern er ég að plata...)

Samkynhneigð: Hið besta mál svo lengi sem þau gefa mér frítt áfengi.

Almennt: Ég vil bæði þemapartý og sumarbústaðaferð bráðum.

Meira væl

2006-03-02T14:48:00.000Z

Ég er svo sjúklega tilvistarkreppt þessa dagana að það má varla anda á mig. Allt í einu rann það upp fyrir mér að ég er að verða gömul. 24 ára gömul. Það væri samt allt í lagi, ef ekki væri fyrir það að ég hef ekki hugmynd um það hvað ég ætla að verða þegar ég verð stór. Ekki græna glóru. Nú segja eflaust sumir " en Áslaug mín nú ert þú nú í háskólanámi" Hah fokking hah! Ég er ekki í háskólanámi fyrir 500 kall og þótt ég asnist til að ná prófunum hef ég bara enga passjón fyrir þessu námi og það finnst mér alveg ómögulegt því ég nenni ekki að gera hlutina ef ég hef enga ástríðu fyrir þeim. Og hana nú! End of rant.

Óskarinn er á sunnudaginn og ég er ekki enn búin að sjá allar myndirnar. Ætla að reyna að bæta úr því með maraþon bíóferðum næstu daga.

Eitthvað fleira gleðilegt svo ég hljómi ekki eins og bitur gömul kelling...

Veivei

2006-02-22T17:03:00.000Z

Jess! Ég get bloggað aftur. Sem er frábært af því að akkúrat núna á ég að vera að taka til í herberginu mínu. Ég ætla bara að blogga í staðinn. Þeir sem hafa komið heim til mín vita að ég bý í skáp. Í gær fékk ég skáp inn í skápinn minn. Ég æpti af gleði (eða öllu heldur umlaði svona "æði" í áttina að pabba) og hófst strax handa við að rífa öll fötin mín úr ógeðslegu kommóðunni sem ég er búin að vera með. Svo nennti ég ekki meir og skildi eftir mannhæðarháan fatastafla á miðju gólfi sem ég þarf að klöngrast yfir til að komast í rúmið mitt. Það er ekkert smá erfitt að byrja að taka til þegar ALLT er svona í rúst. Æj ég geri þetta á eftir.

Mér finnst ekkert sniðugt að ráða svona stundakennara. Þeir vita ekkert hvernig háskólinn gengur fyrir sig, leggja fyrir asnaleg próf, tala of hratt, kunna ekki að nota glærur og hafa tíma í verkefnavikunni. Það er ekkert hægt að stunda skólann við svona kringumstæður. Og þess vegna geri ég það ekki. Eh...humm.

Ég er aftur orðin húsgagn á Bergþórugötunni. Þægilegt þegar fólk lætur íbúðir bara ganga hringinn í vinahópnum.

1, 2, 1, 2, 3

2006-02-22T17:02:00.000Z

Bara að prófa

Óskar!

2006-02-02T01:19:00.000Z

Ég varð alveg fáránlega glöð þegar ég sá Óskarsverðlaunatilnefningarnar í gær, og ég meina FÁRÁNLEGA glöð. Mér leið eins og ég þyrfti að hringja í allt þetta fólk og óska því til hamingju. Ég verð að fara að komast í meiri tengsl við raunveruleikann.
En svona í alvöru að þá held ég að þetta verði skemmtileg hátíð, fullt af ungu fólki tilnefnt og mjög lítið af svona viðverðumaðlátahannfáóskaráðurenhanndrepst tilnefningum sem er skemmtileg tilbreyting. Og svo að sjálfsögðu segir þjóðarstoltið til sín af því að hann Rúnar er tilnefndur fyrir Síðasta bæinn....

Ég vil hér með taka það fram að ég hata hvorki karlmenn né börn, þrátt fyrir það sem fjölmiðlar vilja halda fram.

2006-01-27T01:11:00.000Z

Hmmm...er hálffull uppí rúmi að borða snakk...sometimes I disgust even myself.

Hef komist að þeirri niðurstöðu að stúdentaleikhúsið hýsi einungis fyllibyttur.

Veit samt ekki hvort ég sé eitthvað ósátt við þessa niðurstöðu.

Ég á svo bágt!

2006-01-24T03:36:00.000Z

Ef einhver á meira bágt í heiminum en ég núna, þá vinsamlegast gefi hann sig fram við afgreiðslu.

Ég er á áttunda degi í flensu, á skemmtilega hósta-og-hor stiginu. Ég er búin að hósta svo mikið að ég finn hvernig heilinn á mér hristist inni í höfuðkúpunni og ég bíð bara eftir því að barkinn minn rifni í tvennt. Ég get ekkert sofið þannig að ég er komin með bauga niðrá hné og er búin að drekka svo mikið Lemsip að það er farið að sullast út um eyrun á mér. Ég er hinn erkitýpíski aumingi með hor.

Dagurinn í dag var vísindalega sannað ömurlegasti dagur ársins. Æj ég veit ekki, mér fannst hann allt í læ burstéð frá litla púkanum sem er að reyna að klóra sér leið út úr hálsinum á mér. Ég fékk meira að segja hrós fyrir fallega gullnar pönnukökur og vel uppraðað beikon. Maður verður að vera þakklátur fyrir litlu hlutina skiljiði.

Hvort finnst ykkur betra orð, glamúrgliðra eða glitgála?

Tunglæði

2006-01-18T00:51:00.000Z

Ég er voðalega andlaus þessa dagana. Kannski vegna þess að heimurinn er of hvítur. Blank.

Get ekki gert það upp við mig hvort það sé meiri stemmning að labba um Seltjarnarnesið á kafi í snjó, sjórinn grár og himininn hvítur og hlusta á Whistlin' Past the Graveyard með Tom Waits eða að sitja inná reykmettuðum kaffibarnum að hlusta á sándtrakkið úr Grim Fandango...
Ég fékk semsagt ipod nano frá Ameríkuförunum og hann er núna gróinn fastur við mig.

Helgin var samt æsileg, enda fullt tungl. Á föstudaginn 13. var vísindaferð (N.B. fyrsta vísindaferðin sem ég fer í í tvö ár með fagi sem ég er actually nemandi í) sem leiddist yfir í brjálað vagg-og-veltu stuð á ellefunni og endaði með því að Sauði tókst að brjóta á sér ökklann. Ég var náttúrulega sönn vinkona og henti henni bara peningalausri uppí leigubíl. Á laugardaginn tókst mér svo að draga að mér athygli bæði útúrdópaðs manns og síkópata. Magnað.

Skólinn er byrjaður. Kannski ég mæti bara.

Ok Ok!

2006-01-11T01:01:00.000Z

Jæja, þá er fólkið mitt komið heim og ég því komin aftur upp á efri hæðina og á þar af leiðandi engra kosta völ nema að blogga. Sorry allir að ég skyldi ljúga...

Jól og áramót voru fín fyrir utan það að ég held mér hafi tekist að þróa með mér mjólkuróþol sem varð þess valdandi að ég eyddi jóladegi emjandi úr magaverk uppí sófa. En þar með missti ég einn dag úr áti þannig að HAH! þið verðið öll feitari en ég! Ég upplifði það líka hvernig er að vera karlmaðurinn í svona næntín fiftís hjónabandi. Helvíti fínt bara, ég fór í vinnuna á morgnana meðan konan var heima og þreif og eldaði. Ég tók nefnilega að mér heimilislausa rauðku yfir jólin.
Áramótunum eyddi ég svo með góðu fólki og ennþá betri rækjum þökk sé Guðna.

Eftir að hafa barist gegn því allt síðasta haust að vera kynnt sem bókmenntafræðinemi af móður minni verð ég víst að bíta í það súra epli þessa önn að vera jafn mikið í bókmenntafræðikúrsum og kvikmyndafræðikúrsum...andsk! mamma var nýfarin að læra þetta.

Talandi um mömmu mína. Konan sú ætlar í framboð fyrir sjálfstæðisflokkinn á Nesinu í næstu kosningum. Sem þýðir það að hún þarf að búa til kynningarbækling. Með fjölskyldumynd. Sem aftur þýðir það að myndum af mér lítandi út eins og vangeflingur, verður dreift um allt Seltjarnarnes....argh!!

2006-01-03T00:45:00.000Z

Ætlaði að blogga áramótablogg en svo nennti ég því ekki.

Blogga á morgun ég lofa.

...

2005-12-23T01:41:00.000Z

Ég hef ákveðið að snúast gegn öllu jólahatrinu og gerast mesta jólabarn í heimi.

JEEEIIII!!!! JIIBBBÍÍÍ!!! WOOOOO!!! Það eru að koma jól!!!!!! GAMAN GAMAN!!!!!!

Eugh, nú er ég búin að koma þessu frá mér og get orðið bitur aftur.
Jólabitur samt.

Ojæja

2005-12-17T15:54:00.000Z

Eftirfarandi samtal átti ég í vinnunni í dag:

Ég: "Trallala trallalí..."
Hann: "Eh...hérna...þegar þú sópaðir gólfið í gær, fannstu þá nokkuð keðjusög?"
É: Hehehehe...ha?
H: Keðjusög?"
É: "Jú reyndar" *nær í keðjusögina* "gjössovel"
H: "Takk"

Absúrt.

Eitthvað annað svona drasl sem er að tröllríða bloggum núna. Ég er svo mikil hópsál að ég verð að vera með:

Póstaðu í kommentin og ...

1. Ég segi þér eitthvað handahófskennt um þig
2. Ég segi þér hvaða lag/mynd minnir mig á þig
3. Ég segi þér hvaða bragð/matur minnir mig á þig
4. Ég segi þér fyrstu ljósu minninguna mína af þér eða þá eftirminnilegustu
5. Ég segi þér hvaða dýr þú minnir mig á
6. Ég spyr þig að einhverju sem ég hef velt fyrir mér lengi um þig
7. Ef þú lest þetta verðuru að setja þetta á bloggið þitt!

drasl...

Fjandmaður fólksins

2005-12-14T21:51:00.000Z

Erkióvinur minn er kominn aftur.
Hann er gamall, lítill karl í rauðum flauelsfötum sem hefur aðsetur sitt á Gráa kettinum. Þegar ég mæti í vinnuna glottir hann plastglottinu sínu og býst til að gera daginn minn ömurlegan. Þegar einhver grunlaus viðskiptavinur ýtir við honum byrjar hann að skaka sig eins og fimm dollara hóra og rekur upp skaðræðisöskur eins og stunginn krakkfíkill á milli þess sem hann gaular um það hvað jólin séu frábær. Ég reyti hár mitt af pirringi.

Rokksveinki, þessi bær er ekki nógu stór fyrir okkur bæði.

Eymd og vesöld

2005-12-08T22:07:00.000Z

Ég var að horfa á sjónvarpið í gær. Þar sá ég, á einhverjum 3-4 tímum, tvo barnaníðinga, táningsstelpu nauðgað, tvo menn skjóta sig í hausinn og lækna sem döðruðu yfir deyjandi sjúklingum sínum. Er heimurinn virkilega orðinn svona firrtur? Finnst okkur þetta virkilega vera skemmtun? Maður getur ekki annað en örvænt.

Fór í prufu í nýju vinnuna mína í kvöld á veitingastað hér í borg. Eina vandamálið var það að ég er búin að vera veik í þrjá daga. Þannig að ég var þarna hóstandi yfir viðskiptavinina, hnerrandi oní matinn og fékk þar að auki alveg heiftarlega í magann, þannig að mest allt kvöldið satt ég vælandi í keng á stól. Frábært first impression!!

Ég týndi svolitlu sem var mér mikilvægt. Andsk...!!!

Kudos til Más fyrir að sjá mér fyrir skemmtiefni svo ég þurfi ekki að hugsa um að skrifa kannski einhverjar ritgerðir. Eða eitthvað....

Æj það er einhver að kitla mig!

2005-12-01T17:09:00.000Z

Djöfuls forvitni í fólki alltaf hreint! Tek það fram að hlutirnir eru ekki í neinni sérstakri röð. Jæja þá:

7 hlutir sem ég ætla að gera áður en ég dey:

1) Fara til New Orleans (þegar það verður búið að byggja hana upp aftur)
2) Læra samkvæmisdansa
3) Læra að lesa hugsanir
4) Taka þátt í söngleik (eða finna upp vél sem breytir lífinu í söngleik)
5) Borða kengúru
6) Læra að kunna að meta ógeðslega listrænar kvikmyndir
7) Drekka bjór

7 hlutir sem ég get gert:

1) Lesið
2) Munað hvað allir sem ég hef nokkurn tíma hitt heita (þetta getur verið bölvun)
3) Fríkað flesta út með sorahugsunum mínum
4) Blásið eldi
5) Tengt Playstation tölvuna mína alveg sjálf
6) Klárað Mario Bros með lokuð augun
7) Drukkið bjór

7 hlutir sem ég get ekki gert:

1) Mætt vel í skólann
2) Beyglað á mér þumalputtana eins og eitthvað frík
3) Sofið á nóttunni
4) Fílað elektró
5) Hegðað mér eins og eðlileg manneskja á viðkvæmum augnablikum
6) Flókna hluti með puttunum (písmerki, fokkmerki o.s.frv.)
7) Hætt að drekka bjór

7 hlutir sem heilla mig við hitt kynið:

1) Útgeislun
2) Bros
3) Fallegur háls
4) Húmor
5) Hæfileikar
6) Greind
7) Bjórdrykkjuhæfni

7 frægir karlmenn sem heilla mig:

1) Jake Gyllenhaal
2) Johnny Depp (auðvitað)
3) Gael Garcia Bernal
4) Elijah Wood
5) Jared Leto (en bara sem Jordan Catalano auðvitað)
6) Gerard Butler
7) Hugh Jackson

7 frasar sem ég nota oftast:

1) "Getur einhver lánað mér pening" (sérstaklega mikið notað undanfarið)
2) "Dude!" (því miður)
3) "OMG" (tvöfalt því miður)
4) "Ég er ekki lesbía!!"
5) "Er Empire-ið mitt komið?"
6) "Ha neinei ég var ekkert sofandi"
7) "Einn stóran bjór takk"

Úff búið. Sigrún frænka, Lára, Inga,Sibba, Már og Darbó, þið eruð hérmeð kitluð!!

Bara venjulegur dagur

2005-11-29T22:15:00.000Z

Jæja þá er ég aftur orðin venjuleg. Eða kannski ekki alveg, ég er náttúrulega orðin 23 ára. Mér finnst ég samt ekkert stærri eða vitrari. Kannski tekur það smá tíma fyrir viskuna að koma fram. Á föstudaginn verð ég orðin vitrari en Einstein.

Í gær fékk ég margar gjafir. Ég fékk fallegan bol, fallega bók, fallegan pening og mikið af fallegu rauvíni sem á einhvern skringilegan hátt var horfið þegar ég vaknaði með undarlegan hausverk í morgun. (Ég gruna Auði)

Í kvöld sat ég svo hjá afa mínum sem er orðinn soldið gleyminn. Hann var mikið í því allt kvöldið að reyna að fá mig til að hössla Gunna frænda og var alltaf jafn hissa þegar ég útskýrði fyrir honum að við værum frændsystkini og gætum því ekki hösslast. Þá varð hann ýkt leiður. Sorry afi minn, sifjaspell er bara ekki alveg minn tebolli.

Þetta er áhugavert: http://www.heptune.com/farts.html

Gleði

2005-11-28T12:51:00.000Z

Þá er hann loksins runninn upp. Dagurinn stóri. Afmælisdagurinn minn. Og um allan heim gleðst fólk og syngur "Hallelúja" Til hamingju með Áslaugardaginn allir saman :) Ég ætla að fara að borða köku.

2005-11-24T18:13:00.000Z

Money

That money talks
I won't deny.
I heard it once.
It said, "Goodbye."

Richard Armour

Kraftaverk

2005-11-22T16:04:00.000Z

Hið ótrúlega gerðist í dag. Ég tók til í herberginu mínu. Í alvörunni, ekki bara svona taka-allt-upp-af -gólfinu-og hrúga-því-á hillurnar tiltekt eins og venjulega. Ég raðaði öllu rosavel upp og festi upp hillu fyrir geisladiskana mína og svona þannig að núna er hótelherbergjafílingurinn aðeins á undanhaldi. Síðan tók ég mig til og downloadaði fullt fullt af músík á tölvuna mína. Jei!! Ég er bara að breytast í alvörunni fúnkerandi manneskju. Næsta skref: mæta í skólann. Ójá, heimurinn er mín ostra.

Hafið þið tekið eftir því hvað ég er farin að blogga mikið? Undarlegt...

Klámfenginn póstur

2005-11-21T15:00:00.000Z

Ég á ammli eftir 7 daga!!!!!

Fór á White Stripes í gær, það var gaman, samt ekki æði. Pabbi og systir mín komu með og vann pabbi sér þar með inn nokkur kúlstig til þess að vega upp á móti plebbabílnum. En mér er sama hvað fólk reynir að sannfæra mig, Jack White er ekki sexy! Nei ekki einu sinni í My Doorbell myndbandinu!

Á fimmtudaginn fór ég ásamt nokkrum samnemendum mínum á kaffihús. Ekki ýkja merkilegt nema fyrir þær sakir að allir þeir bloggarar sem þar voru staddir hafa nú bloggað um það á síðurnar sínar. Ég get ekki verið þekkt fyrir að vera minni bloggari en þau þannig að hér kemur það. Á fimmtudaginn var talað um:

*Klámmyndatitla
*Klámlögin
*Kynþokkafyllstu karlmenn í kvikmyndum
*Kynþokkaminnstu karla í kvikmyndum
*Threesome ungverska fokkersins með sænskum lesbíum
* Faux pas manninn

Hmm...svolítið einsleit umræðuefni sé ég núna, en þetta var allt í góðu gamni gert.

Ef einhver er með góða hugmynd um hvað ég á að gera á afmælinu mínu látið mig vita!

2005-11-17T12:11:00.000Z

Af hverju er svæðisskrifstofa fatlaðra að hringja í mig???

jólin, jólin alls staðar.....

2005-11-14T16:28:00.000Z

Bíllinn sem var sími er ekki lengur meðal vor. Bless Automatron, ég mun ávallt sakna þín....
Í staðinn erum við komin með plebbabíl dauðans. Hvítan Toyota Landcruiser. Hvítan!!!!! Með 6 diska geislaspilara!!!! Hvað í andskotanum hef ég að gera með 6 diska spilara í bílnum?? Mér líður alltaf eins og fávita þegar ég er að keyra um á honum. Ef þið sjáið mig á hvíta ferlíkinu vinsamlegast ekki hlægja og benda, ég veit ég er plebbi.

Ég hef tekið ákvörðun. Ég ætla ekki að fara til Flórída um jólin. Jamm ég verð ein heima. Aaaalein!! Mamma lætur samt eins og hún sé að fara að skilja ósjálfbjarga barn eftir. Ég held að hún haldi að ég eigi eftir að sitja ein, skítug og vannærð í myrkrinu af því að ég kann ekki að þrífa mig, borða eða kveikja ljósin. Ég býst fastlega við því að hún skilji eftir leiðbeiningar um það hvernig þvottavélin virkar og hvernig ég eigi að panta pítsu svo ég svelti ekki....Ég hef meiri áhyggjur af því að ég eigi eftir að drepast úr ofáti eftir öll boðin hjá ættingjunum sem mamma er búin að plata til þess að bjóða mér í mat.

Fyndið samt hvað þessi ákvörðun mín hefur vakið sterk viðbrögð hjá fólki. Annað hvort er fólk alveg "you go girlfriend!!!" (samt ekki, af því að vinir mínir eru raunverulegt fólk) eða þá að fólk er alveg " ertu vangefin??? hvað er að þér fíflið þitt???!!!" Gaman hvað fólk getur æst sig yfir jólunum mínum :)

Hver vill gefa mér pening???

vííííí

2005-11-08T16:40:00.000Z

ég á ammli eftir 20 daga!!!!!

Oh...

2005-10-31T15:01:00.000Z

Nú er ég reið. Og líka sár. Og leið. Þannig er mál með vexti að fjölskylda mín var farin að velta því fyrir sér hvort það væri ekki gaman að skreppa öll saman til Flórída yfir páskana. "Frábært" sagði ég "count me in". Ég var meira að segja bara farin að hlakka svolítið til. En onei, mamma var rétt í þessu að hringja í mig og spyrja mig hvort mér litist ekki rosalega vel á það að fara bara frá 23. des- 7. jan...Og missa af jólunum!?!?!?!!! Og áramótunum?!?!?! Er ekki í lagi?!?!?!?! Ég nenni engan veginn að vera föst með fjölskyldu minni og pálmatrjánum yfir öll jólin og áramótin en ef ég segist ekki vilja koma með þá verð ég skömmuð fyrir að vera fýlupúki. ARGH!!!

Nútímatækni er dásamleg. Ég er nýbúin að uppgvötva það að ég get notað ferðadvd-spilarann, sem ég keypti út í Skotlandi og hef mjög lítið notað, til þess að horfa á Friends þegar ég er í baði!!! Algjör snilld. Reyndar lengir þetta baðtíma minn úr einum kl.tíma í tvo en maður er aldrei of hreinn right?

Kona og barn

2005-10-24T15:34:00.000Z

Ég er léleg kona. Akkúrat núna streyma þúsundir kvenna niður Laugaveginn, öskrandi "JAFNRÉTTI" og syngjandi Áfram stelpur, og hvar er ég? Ég er á Prikinu að þykjast skrifa ritgerð en er í rauninni að skrifa þetta blogg. Ég get ekki einu sinni þóst hafa áhuga á kröfugöngum, mér er illt í hálsinum og ég kann ekki textann við Áfram stelpur. Þess vegna er ég léleg kona...en skítt með það.

Það sem ég er hins vegar ekki léleg í, er að versla, onei. Ég var nefninlega í London þar sem ég verslaði af mér rassinn. Fjögur pör af skóm á sex dögum, ekki slakur árangur það! En ég gerði líka ýmislegt annað eins og það að fara á söfn, skoða Buckinghamhöll og skemma sakleysi Steina :D

Maður fær sjaldan jafn gott tækifæri til íhugunar og sjálfskoðunar eins og þegar maður ráfar einn um verslanagímöldin í London. Þar af leiðandi hef ég komist að ýmislegu um sjálfa mig:

1) Ég er haldin mjög undarlegu afbrigði af nostalgíu. Ég fæ ekki nostalgíuköst þegar ég hugsa um æsku mína eða menntaskólaár eins og flestir. Ég fæ alltaf brjáluð nostalgíuköst eftir gærkvöldinu. Leyfið mér að útskýra: Ef ég lendi í t.d. skemmtilegum félagskap eða skemmtilegu partýi verð ég alltaf brjálæðislega þunglynd daginn eftir yfir því að skemmtilega kvöldið sé búið og ég sannfæri sjálfa mig um að ég eigi aldrei eftir að skemmta mér svona vel aftur. Þar sem ég lendi nú frekar oft í því að skemmta mér vel fæ ég þessi köst nokkuð oft, en sem betur fer endast þau yfirleitt ekki mjög lengi.

2) Mér er gjörsamlega ómögulegt að small-talka. Ég kann það bara ekki. Eftir hefðbundnu spurningarnar "hvernig hefurðu það?" og "hvernig gengur í skólanum/vinnunni/lífinu?" er ég bara gjörsamlega hugmyndasnauð. Þannig að ef ég virka fúl eða merkileg með mig er það bara vegna þess að ég hef ekki hugmynd um hvað ég á að segja næst.

3) Þið vitið hvernig fræga fólkið hefur oft mjög sérstakt matarræði? Borðar bara appelsínugulan mat eða sjálfdauða ávexti? Ég hef sætt mig við það að ég fylgi líka mjög sértsöku matarræði, ég borða bara heitan mat. Annað finnst mér ekki vera matur. Skyr , ávextir, brauð....oj bara!

4) Ég er fífl. Ok kannski ekki fífl en alla vega kjáni.

Ég veit ekki alveg hvort þessi naflaskoðun hefur gert mig að betri manneskju að einhverju leyti eða hvort ég eigi bara að reyna að eignast líf.....hmmm á einhver líf á lausu?

Að lokum koma þó gleðifréttir. Hún Lea eignaðist litla rauðku þann 22. október! Mér finnst það nú fulllangt gengið til þess að koma í veg fyrir að kærastinn manns spili á tónleikum að eignast barn, en engu að síður óska ég þeim innilega til hamingju!!

Jæja,jæja...jæja

2005-09-20T16:31:00.000Z

Af hverju er ég með samviskubit yfir því hvað ég blogga lítið? Það er ekki eins og bloggið mitt geti haft mikil áhrif á snúning jarðarkringlunnar eða gang heimsmálana. Ég vona alla vega ekki. Það væri nú ekki skemmtilegt ef hörmungarnar í New Orleans væru því að kenna að ég hef ekki staðið mig nógu vel í blogginu :o Mikið er það sorglegt annars. Mig hefur alltaf langaði til New Orleans. Finna köllun mína sem djasstónlistarmaður, ná mér í vampýru til að hanga með, bera á mér brjóstin á Mardi Gras og leggja síðan voodoo bölvun á alla sem mér er illa við...en nú er sá draumur úti, alla vega næstu árin. Leiðinlegt.
Það sem hins vegar er skemmtilegt er námið mitt. Ég er sem sagt byrjuð í Kvikmyndafræði við Háskóla Íslands. Þar fæ ég að horfa á bíómyndir og tala um fræga fólkið. Ég veit að ég gæti svo sme alveg gert það heima hjá mér líka en þarna fæ ég líka að þykjast vera djúpþennkjandi námsmaður í alvöru háskólanámi. Ekki slæmt. Ég náði meira að segja að sannfæra foreldra mína um það að það væri alveg nauðsynlegt námsins vegna að kaupa E sjónvarpsstöðina inná heimilið. Þvílíkt gósenland gagnlausra upplýsinga um tísku og smástirni Hollywood! Ég er því mjög glöð ung stúlka, afsakið, djúpþennkjandi háskólanemi um þessar mundir. Jei fyrir því!
Svo er ég líka á leið til London í næsta mánuði. Er reyndar soldið á báðum áttum með það því ég á akkúrat 600 kr. í heiminum núna en það hlýtur að reddast. Ég verð nefninlega að geta keypt mér skó í London. A girl needs her shoes!

Ég sór þess dýran eið í síðustu bloggfærslu að ég myndi hætta að drekka. Það hefur kannski ekki alveg gengið eftir, enda held ég að fáir hafi lagt nokkurn trúnað á þetta loforð mitt, en hins vegar hef ég minnkað djammið mjög mikið. Er orðin alltof gömul greinilega. Og peningalaus. Sem er kannski meira ástæðan....

En nú er kominn tími til að fara að vinna í þessum helvítis gestalista fyrir Alþjóðlegu kvikmyndahátíðina sem verður haldin í lok september (partur af náminu) Og nei, ég get ekki sett ykkur inná hann :P

ný manneskja

2005-08-09T19:38:00.000Z

Jæja, that's it! Ég er hætt að drekka! Ég hef reyndar tekið þessa ákvörðun áður en nú skal ég standa við hana. Sit í þynnku dauðans á Kaffibrennslunni eftir óvænt mánudagsfyllerí sem endaði í heitunm potti á Grettisgötunni með berbrjósta stelpum og Hollywood agenti.....úff. Man ekki hvernig ég komst heim en ég man það að foreldrar mínir voru vaknaðir og voru ekki ánægðir með ástandið á mér....sjitt, ég skelf svo mikið að ég et varla skrifað, skrifa meira þegar skólinn byrjar eða eitthvað....er að hugsa um að gerast bara skáti....

Blogggubb

2005-06-20T19:50:00.000Z

Ég veit, ég veit....ég er ömurlegasti bloggari í heimi, jafnvel geimi!! En sannleikurinn er bara sá að ég hef varla snert tölvu í rúman mánuð....ótrúlegt en satt. Ég skil ekki sjálf hvernig ég hef komist af allan þennan tíma án míns daglega skammts af slúðri. En nú skal bætt úr þessu! ýmislegt hefur nú drifið á daga mína síðan síðast, (lendir einhver annar í því að vilja alltaf skrifa ýmislegt, ímyslegt?) ég er búin að vera einstaklega dugleg að sækja hina ýmsu menningarviðburði s.s. leik- og bíósýningar og hér kemur smá listi yfir það sem ég hef séð af því að listar eru skemmtilegir:

1) Þú veist hvernig þetta er: Sýning Stúdentaleikhússins sem var valin besta áhugaleiksýningin í ár. Frábær skemmtun og mikil synd að aðeins skuli hafa verið tvær sýningar. Ópólitískasta manneskja í heimi= ég kom meira að segja út full af pælingum um ástandið á Íslandi í dag (landinu sko, ekki þættinum) Skemmtileg uppsetning og allir stóðu sig með prýði. Plús það var fullt af berum rössum sem er alltaf skemmtilegt.

2) Rambó 7: Úff! Ef ykkur finnst gott að láta nauðga ykkur á sálinni, farið á þessa sýningu. Eina skiptið sem ég hef alvarlega verið að hugsa um að ganga út í hléi. Hávaði og læti, allt of mikið af brotnum húsgögnum og motherfukki. Ég varð fyrir sérstaklega miklum vonbrigðum þar sem þetta voru Vesturportskrakkarnir sem mér finnst hingað til hafa verið að gera frábæra hluti fyrir íslenskt leiklistarlíf. Strike one fyrir þau...

3) Cirkus Cirkör, 99% unknown: Ef ykkur finnst ekki gaman í sirkus er eitthvað að í sálarlífi ykkar...nakinn maður í handahlaupum kórónaði síðan allt saman :D

4) Der Üntergang: Must see fyrir alla.

5) Batman Begins: Jei Batman er aftur orðinn kúl!!

Ég er líka búin að vera ansi dugleg við að skreppa í svona smá ferðalög. Fór t.d. í hvalaskoðun og sá engan hval. Það toppar síðustu hvalaskoðunarferð þar sem ég sá í bakið á tveimur.... Svo fór ég einn sólríkan sunnudagsmorgun í bíltúr með Auði til Hveragerðis til að fá okkur Rómantíska hamborgara á Kaffi Kidda Rót. Við vorum reyndar orðnar frekar efins með það að þetta væri til í alvörunni þar sem enginn virtist hafa séð auglýsingarnar nema við, en þetta reyndist þó eiga sér stoð í raunveruleikanum og við gæddum okkur sáttar á hamborgurum sem hefðu samt alveg mátt vera aðeins rómantískari, fyrst maður var nú að leggja á sig allt þetta ferðalag. Næst á dagskrá er síðan að fara aðra ferð til Hveragerðis og fá okkur Brjálaðar pizzur...

Ég er líka með spennandi fréttir af húsnæðismálum mínum en veit ekki alveg hvort ég megi tilkynna þær opinberlega strax, so watch this space...

Ónefnd vinkona mín virðist vera farin að taka upp á því að hözla vini mína í röðum...undarlegt, ég hlýt að eiga svona sæta vini. En eins og sagt er: sækjast sér um líkir. Ekki satt? ha?? krakkar??? bíðiði krakkar.....!!!!

Loksins Blogg!

2005-05-19T12:36:00.000Z

Vá, ég er búin að vera ekkert smá löt að blogga undanfarið. Það er svona þegar maður er hættur að vinna við tölvu allan daginn, þá gleymir maður sér....
Hmmmm....ég hef nú líka ekkert frá neinu sérstöku að segja. Ég er búin að vinna á Gráa og er núna í langþráðu fríi í heila viku!!! Jibbí!! Það er rosalega gaman þó að ég hafi ekkert að gera, ég er bara búin að eyða dögunum í hangs og sull, sem er samt bara allt í lagi svona stundum. Var samt rosalega dugleg um daginn og hjálpaði Auði að mála herbergið sitt. Ég gleymi því alltaf hvað mér finnst ógeðslega leiðinlegt að mála...en eftir svona tvo tíma af málningagufum var allt farið að líta betur og skemmtilegar út :D Ég er samt ennþá með gular slettur út um allan líkamann sem bara vilja ekki fara af, jafnvel þótt ég fari í bað (ég fer alveg stundum í bað...Víst!!!)

hmmm....ég er komin með leið á sjálfri mér þannig að ég ætla að hætta þessu kjaftæði og blogga bara seinna þegar ég get verið skemmtileg.

I smell like a pig!

2005-05-02T21:15:00.000Z

Ég er byrjuð aftur að vinna á Gráa í smátíma. Það er ógeðslega gaman, sérstaklega að fá koss og knús frá fastakúnnum, en ég var alveg búin að gleyma lyktinni sem fylgir...úff, beikon, olíu, reykingafýla= ekki groovy shit :( En samt, jibbí! ég er laus af bókasafninu!!
Annars er er orðin frekar þreytt á þessu prófastússi í fólki, það vill bara enginn leika við mig lengur. Ég þóttist reyndar vera fátækur námsmaður um daginn, settist inná Stúdentakjallarann, sötraði bjór og skrifaði inngang að ritgerð fyrir hana Auði. Það var ágætt en ég var samt fegin þegar ég var búin, þetta er alltof mikil pressa. Það er miklu betra að stunda háskólanám eins og ég er búin að gera síðasta árið, þ.e. finna sér vini í stjórn nemendafélaganna og troða sér með í allar vísindaferðir. Það er fullt af fólki í háskólanum sem heldur að ég sé annað hvort í frönsku, bókmenntafræði eða japönsku :D

Nú er kvikmyndahátíðin víst búin. Ég er leið yfir því. Sá samt fullt af góðum myndum s.s. The Woodsman, Napoleon Dynamite og nýju uppáhaldsmyndina mína Garden State. Hún var æði. Mig langaði að hoppa og syngja og gera eitthvað magnað við líf mitt þegar ég kom út úr bíóinu. Það dugði reyndar ekki fram á næsta dag, en það var gaman meðan það varði. Fór reyndar að hugsa þegar ég fór á The Woodsman: Af hverju er maður að borga morðfjár fyrir að horfa á eymd og volæði? Er ekki nóg af því allt í kringum mann hvort eð er? Maður getur alveg horft á fréttirnar frítt. Ekki misskilja mig þetta er mjög góð mynd, en á maður ekki frekar að fara í bíó til þess að losna undan ömurleika heimsins? En hvað um það, ég horfði líka á eina frábæra mynd á vídjó, Elvira mistress of darkness. Frábær mynd fyrir alla brjóstaáhugamenn :D

P.S Það munaði hársbreidd að ég keyrði á lítinn strák í dag. Hann hljóp bara beint fyrir bílinn!! Það hefði ekki verið gaman :(

quiz!!!

2005-04-25T16:55:00.000Z

Which Dysfunctional Care Bear Are You? - Quizilla

ljóð

2005-04-25T14:58:00.000Z

Ég rakst á þetta fallega ljóð eftir Charles Bukowski í vinnunni í dag, verst að síðan þá er ég búin að vera me "Manchester, England, England" úr hárinu á heilanum ( Claude Hooper Bukowski/
Finds that it's groovy/To hide in a movie...) En hvað um það, hér kemur ljóðið:

Hvernig maður verður mikill rithöfundur

Þú verður að serða fjölda kvenna
fagurra kvenna
og yrkja nokkur siðsöm ástarljóð

og hafðu ekki áhyggjur af aldrinum
og/eða ferskum ungskáldum

drekktu bara meiri bjór
meiri og meiri bjór

og farðu á kappreiðarnar að minnsta kosti einu sinni
í viku

og reyndu, ef það er mögulegt
að vinna.

það er erfitt að læra að sigra-
hvaða auli sem er kann að tapa.

og ekki gleyma Brahms
og Bach og
bjórnum.

ekki ofkeyra þig.

sofðu fram til hádegis.

reyndu að forðast greiðslukortin
og borga eitthvað
á réttum tíma.

mundu, að í þessum heimi
er ekki til það rassgat
sem er meira en 50 dollara virði
(árið 1977).

og ef þú hefur hæfileikann til að elska
elskaðu sjálfan þig fyrst
en gleymdu aldrei möguleikanum
á hinum algera ósigri
hvort sem ástæðan fyrir honum
virðist rétt eða röng.

og það þarf ekki að vera slæmt að kynnast dauðanum snemma

þú átt að forðast kirkjur og bari og söfn,
og vera þolinmóður eins og
köngulóin-
það sleppur enginn undan tímanum,
og
útlegðinni
ósigrinum
svikunum

öllu því dóti

haltu þig við bjórinn

bjór er trygglynt blóð

trygglyndur elskhugi

fáðu þér stóra ritvél
og meðan fótatökin glymja
fyrir utan gluggann

sláðu hana
sláðu hana fast

og gerðu þetta að miklum bardaga

gerðu þetta að nauti sem ryðst áfram

og mundu eftir gömlu hundunum
sem börðust svo vel:
Hemingway, Celine, Dostojevski; Hamsun.

ef þú heldur að þeir hafi ekki brjálast
í þröngum herbergjum
eins og þú ert að gera núna

án kvenna
án matar
án vonar

þá ertu ekki reiðubúinn.

drekktu meiri bjór
%

2005-04-18T17:36:00.000Z

Háværir unglingar meiða í mér heilann :(

not so perfect...

2005-04-18T16:35:00.000Z

Argh!!! Það hefur komist upp um mig! Hinn fullkomni glæpur var ekki svo fullkominn eftir allt saman. Einhver hefur komist að því að ég er byrjuð að blogga aftur og gungan sú þorir ekki einu sinni að koma fram undir nafni! Ég skora hér með á þig anonymous að gefa þig fram!
En jæja...annars er bara allt gott hjá mér þessa dagana. Er komin úr þessarri tilvistarkreppu sem virðist hafa verið að ganga. Er sem sagt bæði komin með vinnu og búin að ákveða hvað ég á að gera í haust. Ekki lítið afrek þar sem ég er búin að vera í limbói svo mánuðum skiptir. Ég er sem sagt að fara að vinna á Mokka, með smá viðkomu á gamla góða Gráa kettinum þar sem ég er að fara að leysa hana Sillu af meðan hún fer til útlanda. Það verður ágætt að komast aftur á gamlar kaffihúsaslóðir. Verst bara hvað það er alltaf dimmt inná Mokka, en það verður vonandi nægur tími til að njóta sólarinnar...ef það verður einhver sól í sumar. Og svo hef ég fundið hið fullkomna nám. Eitthvað sem ég hef gaman af og þarf ekki að leggja of mikið á mig í ;) Ég hef ákveðið að læra kvikmyndafræði við HÍ. Þá get ég sagt setningu sem ég hélt að ég myndi aldrei geta sagt : "æj sorry, ég kemst ekki á kaffihús, ég er að fara í stjörnufræðitíma" :D Að vísu verð ég bara að fara að stúdera Hollywoodstjörnur en mér finnst það bara meira kúl.

Fór í ævintýraferð um daginn. Það var ævintýralegt! Mér datt það sem sagt í hug á þriðjudagskvöldi að fara í pikknikk á Þingvelli og spila (ekki spyrja) Hringdi í Auði og náði að tæla hana frá fyrirlestragerð, keypti kakó og viðbjóðslega mikið af snakki og svo var haldið út í hinn stóra heim. Eina sem ég hugsaði ekki útí var það að þótt það sé sól og semi-gott veður í Reykjavík, þýðir það ekki að það eigi við um allt landið. Þegar við vorum u.þ.b hálfnaðar vorum við lentar í snjóstormi. Mér fannst það nú ekkert tiltökumál þangað til Auður benti mér á það að ég væri á sumardekkjum. Þá varð ég frekar hrædd! En við komumst á leiðarenda að lokum og fórum meira að segja í smá göngutúr. En fljótlega rann það upp fyrir mér að ég var ekki í sokkum og tærnar mínar voru ekkert alltof ánægðar með það að ösla snjóinn svona allsberar. Þannig að við fórum bara aftur í bílinn og kúldruðumst í aftursætinu. Sem hljómar miklu meira hot ef maður veit ekki að við vorum bara að spila og drekka kakó. Það var samt mjög skrýtið, við vorum bara að spila í góðu flimmi og svo allt í einu, á nákvæmlega sömu stundu, fríkuðum við báðar út og urðum skíthræddar. Þannig að við tókum draslið saman á mettíma og brunuðum í bæinn. Þetta var samt mjög gaman og ég stefni á fleiri spontant ævintýraferðir með hækkandi sól.
Annars er ég búin að vera frekar dugleg á djamminu undanfarið, en það er nú samt ekkert merkilegt að frétta þaðan. Þetta er sama ruglið alltaf. Fór samt á útgáfutónleika Trabants á föstudaginn. Frábært!! Magnað!!! Glimmer!!! Tvímælalaust bestu tónleikar sem ég hef farið á lengi. Rassi Prump er guð!

Jamm ég er sem sagt officially byrjuð að blogga aftur. Þrefalt húrra fyrir mér! Húrra!! Húrra!!! HÚRRA!!!!

Stór dagur

2005-03-30T18:47:00.000Z

Hef loksins tekið eina stóra ákvörðun í lífinu....ég ætla að byrja aftur að blogga!!! En AHA! there is a catch! ég ætla ekki að segja neinum frá því, þetta verður svona leyniblogg! úhúhú, ég er svo slóttug. Ástæðan fyrir því að ég tók þessa ákvörðun er svú að í fyrsta skipti í dag lenti ég í því að surfa blogg, venjulega hef ég bara kíkt á svona 1-2 á nokkurra daga fresti hjá nánustu vinum. Það er bara nokkuð skemmtilegt að fræðast um daglegt líf fólksins í kringum mig. Ég ábyrgist það nú samt ekki að þetta blogg verði eitthvað skemmtilegt aflestrar....sem skiptir kannski ekki öllu máli, því enginn mun vita af því. Múhahaha!!! it's the perfect crime :D En þá er spurning...er maður að skrifa blogg fyrir sig eða fyrir aðra? Ja, ekki spyrja mig...
Annars er ekki mikið af mér að frétta. Lífið gengur bara sinn vanagang, peningarnir flæða burtu og bjórinn flæðir oní maga...ég hef ekki ennþá séð tilganginn í því að vinna, enda nota ég hvert tækifæri til þess að skrópa. Vinnan mín er líka svo ógeðslega depressing að ég er orðin ansi hrædd um að ég þurfi að fara að tala við hann Prosac frænda bráðum. Ég er meira að segja farin að öfunda kassadömurnar í Hagkaup af spennandi vinnunum þeirra, þær fá alla vega að tala við annað fólk! En ekki hún Áslaug, onei, Áslaug er lokuð inni í litlu glerbúri allan daginn fyrir framan tölvu sem segir ping og lætur litla krakka stara á sig í gegnum glerið...stundum gefa þau mér banana....Ég verð að komast burt!!!! Er reyndar að kúga fyrrverandi vinnuveitanda minn tilfinningalega til þess að gefa mér vinnu, við sjáum hvernig það gengur :) Er samt farin að sjá Edinborg í hillingum eftir að ég kom heim. Þar var ódýr bjór, falleg föt og enginn vindur....dæs. Hugsanlega fer ég bara þangað aftur ef það rætist ekki úr hlutunum hérna heima. Ég er nefninlega með vinnu þar, kjánarnir þarna úti vilja ólmir fá mig aftur. Mér hefur greinilega tekist vel að feika það að ég vissi eitthvað hvað ég væri að gera :D
En jæja, nenni þessu ekki lengur...kannski kemur annað blogg, kannski ekki.

2004-12-17T23:36:00.000Z

jæja hér er það, síðasta Skotlandsbloggið (líklegast) Hef verið rosalega löt við að blogga enda svo sem ekkert merkilegt búið að gerast fyrir utan það að Raggi kom í heimsókn. Það var mikið drukkið, mikið verslað og mikið borðað af djúpsteiktum mat. Allt það góða sem grænmetismaturinn hjá Kollu og Stefáni var búinn að gera fyrir heilsuna mína, fauk út í veður og vind þessa viku sem Raggi var hjá mér. En núna eru bara 6 dagar þangað til að ég kem heim og allir halda risastórt partý mér til heiðurs! Með blöðrum og trúðum og fílum og....eða kannski ekki. En ég er farin að hlakka fjandi mikið til að koma heim, sérstaklega þar sem allir sem ég umgengst hérna eru farnir heim til sín, þannig að ég er ein eftir. Það þykir víst ekki mjög kúl að hanga ein á pöbbum hérna....Annars var ég ein heima yfir helgina sem var fínt. Horfði reyndar bara á sjónvarpið mest allan tímann og drakk bjór...frekar sorgleg :) Hver hefur annars heyrt um cider sem er 7.5 prósent?!?!!?! Ég varð bara óvart drukkin hérna eitt kvöldið þegar ég sat heima í rólegheitum og drakk cider. Ég er að hugsa um að kvarta! Ég er að vinna núna alla daga þangað til að ég fer, sem sökkar soldið, ég á nefnilega eftir að kaupa nokkrar jólagjafir...en það verður að hafa það. Hlakka til að sjá alla þegar ég kem heim. Er miðbærinn á Þorláksmessu ekki málið?

ammli!!!!!

2004-11-28T15:22:00.000Z

Jei ég á afmæli í dag!!!! og er af einhverjum ástæðum búin að vera með skítamórals-afmælislagið á heilanum í allan dag....Var annars bara að vinna í morgun :( er svo að fara út að borða með Kollu og Stefáni í kvöld og svo kannski gera eitthvað rólegt með Sibbu og Andra í kvöld...ég þarfnefninlega að vinna kl. 7 í fyrra málið, 5. daginn í röð!! Jólatúristarnir eru byrjaðir að koma þannig að það er alltaf fullt út að dyrum :( Mér finnast tóm kaffihús best... en svo fæ ég langt frí og get farið og skoðað þýska jólamarkaðinn sem er búið að setja upp hér í miðbænum. Af hverju þeir eru með þýskan markað en ekki skoskan veit ég ekki, en fregnir herma að þar sé hægt að fá ágætis pulsur (sem er venjulega ekki séns í Skotlandi...oj bara!) og það meira að segja með steiktum lauk! Ja, detta mér nú allar dauðar....en annars gengur lífið bara sinn vanagang. Ég kem heim eftir 25 daga...jei!! en það er ekki laust við að ég eigi eftir að sakna Skotlands soldið, sérstaklega ódýra bjórsins :)
Takk takk allir sem höfðu samband í tilefni dagsins og þeir sem sendu mér gjafir eru bestir!! Þið sem gerðuð það ekki eruð ekki alveg best.... ;) nei djók, enga heimtufrekju....

2004-11-24T21:28:00.000Z

Jæja..jájá...einmitt...hmm...fyndið þegar maður skrifar svona sjaldan að þá er líklegast fullt af hlutum búnir að gerast á milli blogga en samt man maður aldrei neitt...ó jú!!! Ég fór á mesta snilldarstað ever með Sibbu, Andra og Áslaugu frænku (hún kom sko í heimsókn). Þetta er indverskur veitingastaður mjög snyrtilegur og næs, mjög ódýr og maður fær fullt af góðum mat og það sem best er...BYOB eða bring your own booze!!! Hversu mikil snilld!!! Í staðinn fyrir að eyða fullt fullt af pening í dýrt veitingahúsavín þá fer maður bara út í næstu sjoppu, kaupir sér kippu á 500 kall og taka með sér. Ef maður þarf að bíða eftir borði getur maður bara farið á barinn við hliðiná, keypt sér drykk og tekið hann svo með sér yfir þegar borð losnar...magnað! Verst að þetta myndi aldrei ganga á Íslandi, fólk myndi bara koma og kaupa sér franskar og drekka svo bara allan daginn... En já, Áslaug frænka kom í heimsókn og var í átta daga. Ég var reyndar að vinna allan tímann sem við vorum í bænum þannig að það var lítið um djamm. Um helgina fórum við upp í skosku hálöndin. Það var gaman. Frekar líkt Íslandinu góða nema bara miklu fleiri tré...mér finnst tré spúkí...Fyrstu nóttina gistum við hjá ógeðslega næs bændahjónum sem reka svona B&B uppí fjöllum. Þau buðu okkur bara inn í stofu í te og svona. Manni leið bara eins og maður væri kominn til afa og ömmu...mjög fínt. Seinni nóttina gistum við svo í svona mini kastala sem var 200 ára gamall. Það var fínt en ekki alveg jafn næs samt. En nú er ég búin að sjá allt það markverðasta á Skotlandi, Loch Ness, Rob Roy safnið, kastalann þar sem Highlander var tekinn upp, William Wallace minnismerkið og endalausa aðra kastala...úff, Skotar voru kastalabrjálaðir! En síðast en ekki síst þá fórum við til smábæjarins St. Andrews þar sem enski draumaprinsinn William er að læra. Undarlegt samt, ég var þarna í alveg tvo tíma, án þess að sjá hann og án þess að hann bæði mig um að giftast sér!! Frekar lélegt tourist attraction það!! Ég er svona hálfnuð með að kaupa jólagjafirnar sem mér finnst bara nokkuð gott miðað við mig...og svo á ég ammli á sunnudaginn!!!!!!!!!!!!!! JEI!!!!!!!!!!!! og ég fæ leynigest í heimsókn!!!!!!!!! eða reyndar bara Ragga en maður getur ekki alltaf fengið allt :( djók!! hahahah ég er svo fyndin...en mér tókst nú samt að skrifa ágætlega mikið...jamm...ok

2004-11-12T23:22:00.000Z

Helvítis internet!!!

Búið að vera endalaust vesen. Stefán er að reyna að deila nettengingunni á milli talvanna okkar en það gengur ekki neitt, þannig að ég hef ekkert komist á netið í lengri tíma. Og ég get auðvitað ekki farið á kaffihús með tölvuna mína því ég á ekki kreditkort...ég sakna elsku tæknivædda Íslands. Skotar hafa ekki hugmynd um hvernig hlutir eins og internet tengingar og gemsasamband virka! Annars var síðasta vika frábær. Björg systir kom í heimsókn og við brölluðum ýmislegt saman. Við fórum t.d. að skoða kastalann og í draugagöngu. Í draugagöngunni er farið með mann um gamla bæinn og manni sagðar sögur um lífið og tilveruna í edinborg fyrir hundruðum ára, hvernig nornir voru drepnar (settar í tunnu með nöglum og rúllað niður brekku, aftur og aftur) og hvernig fólk var hengt (stundum gekk það illa, ein kona lifði í 60 ár eftir að hún var hengd). Annað slagið hoppa svo einhverjir grímuklæddir lúðar fram úr húsasundum og reyna að hræða mann. Ég var sko ekkert hrædd!! (í alvöru!!) Svo fórum við líka aðeins að versla...bara pínu...ég þarf örugglega að fara með svona 4 ferðatöskur heim!!!! Ég braut sjálfskipaða útlegð mín frá skóbúðum og keypti mér skó...og aðra. Eitt parið er reyndar bara svona sængurskór og þeir eru yndislegir! Mér tókst samt einhvern vegin að eyðileggja á mér fæturna með öllu þessu labbi. Ristin á mér er geðveikt aum og alveg stokkbólgin. Mér var bannað að koma í vinnuna á morgun eftir að hafa haltrað þar um í tvo daga. Þannig að ég ætla bara að liggja upp í sófa og horfa á eitthvað af þessu endalausa DVD sem ég er búin að kaupa. Það er samt soldið erfitt að kaupa DVD hérna því það er sama hvað maður finnur það ódýrt, þá er bókað að maður finnur það ódýrara einhvers staðar annars staðar!! Mikið moral dilema. Ég er líka búin að fara alveg fáranlega mikið í bíó síðustu vikuna eða alls fjórum sinnum á fimm dögum! Nokkuð gott bara :) Ég og Björg fórum að sjá The Grudge eftir draugagönguna (alveg ágæt bara) Bridget Jones The Edge of Reason daginn eftir (meira af því sama en mjög skemmtileg) og Finding Neverland daginn þar á eftir (oh my god Johnny Depp!!!!!) svo daginn eftir að Björg fór fór ég með Sibbu og Andra kærastanum hennar á Bad Santa (snilld) Held ég taki samt smá breik frá bíóferðum í bili. Maður fær samt alveg fáránlega stórt popp og kók ef maður biður um venjulegt, og þeir selja pulsur í bíó! Ég hef samt ekki ennþá safnað kjarki til að prófa þær. Ef þær líkjast hamborgurunum (risa kjötbolla í brauði) eitthvað þá held ég að ég sleppi því. Áslaug frænka kemur svo í næstu viku. Ég spái miklu djammi. Hef samt ekki ennþá fundið góðan stað til að djamma...verð að redda því. Fór um daginn á pöbbinn með stelpu úr vinnunni. Það var geðveikt gaman en hún er samt að fara heim til Ástralíu á laugardaginn. Týpískt! Glasgow gaurinn sem var að byrja í vinnunni er líka hættur því hann ákvað að fara til Malasíu í fimm vikur, þannig að von mín um að pikka upp hreiminn frá honum er fokin út í veður og vind. Týpískt! Jólahelvítið á kaffihúsinu byrjar 15 nóv. Ég er alveg að drepast úr spenningi....NOT!!!

2004-11-01T23:25:00.000Z

HÓ HÓ HÓ!!

Skotar eru geðveikir. Það eru svona tvær vikur síðan að búðirnar byrjuðu að setja upp jólaskreytingarnar og nú er komið stórt jólatré á eina af aðalgötunum...og ég sem hélt að við byrjuðum snemma heima á Íslandi. Sem betur fer erum við samt ekki byrjuð að spila jólalögin á kaffihúsinu, annars væri heilinn í mér bráðnaður löngu áður en ég kæmi heim...vonandi slepp ég með hálfbráðnaðan heila. Annars er allt gott að frétta héðan. Mér hefur, merkilegt nokk, ekki ennþá tekist að klúðra uppgjörinu í vinnunni þannig að ég held að allt sé bara í gúddí þar á bæ. Það var að byrja nýr strákur sem er geðveikt hress og spjallar rosalega mikið. Gallinn er bara sá að hann er frá Glasgow og er með alveg rosalegan, þykkan skoskan hreim þannig að ég skil ekki nema helminginn af því sem hann segir. Þannig að ég er búin að fullkomna hið svokallaða "nod and grin" sem er þannig að maður færir höfuðið hratt upp og niður á meðan maður reynir að láta munninn á sér ná utan um sitt hvort eyrað. Að vísu lætur þetta mig líta út eins og hálfvita en það er samt skárra en að vera sífellt að hvá...
Í gær var Hrekkjavaka, ég fór samt ekki í neinn búning, ég gerði soldið miklu skemmtilegra...ég fór á næturklúbb fyrir samkynhneigða. Það er nú nógu mikið fjör þar venjulega en á Halloween verður allt brjálað. Þetta er soldið svona eins og rave, nema að það er spiluð diskótónlist. Staðurinn er bara einn stór með pöllum meðfram veggjunum sem er hægt að dansa uppá. Og það var sko dansað! Endalaust af púkum, nornum og keðjusagamorðingjum nuddandi sér ögrandi upp við hvort annað. Þetta var eins og í bíómynd...mjög spes, og ég græddi djöflahorn og þrífork! Ekki slæmt!
Annars var ég að komast að því að hún Sibba úr MH er hérna með kærastanum sínum, þannig að ég ætla að fara að hitta hana á morgun, það verður örugglega gaman...annars verð ég að fara að finna mér einhverja Skota til að hanga með, mér gengur ekkert með hreiminn! Ég er nefninlega að vinna með svo mörgum útlendingum að ég kem heim með einhvern spænsk-pólsk-franskan hreim sem er eiginlega bara frekar asnalegur. Björg systir mín er að koma eftir 3 daga og ég hlakka geðveikt til. Við ætlum að fara og túrhestast eitthvað, ég hef ekkert gert af því, er bara búin að skoða verslanagöturnar ;) Ég er samt búin að kaupa nokkrar jólagjöfir sem er nokkuð gott verð ég að segja. Snemmbúna jólaæðið er greinilega smitandi...
Takk fyrir kommentin allir saman, gaman að heyra í ykkur, sérstaklega fólki sem ég heyri aldrei í eins og Betu. Allir að klappa fyrir Betu!!
En nú fer að styttast í að ég komi, bara tveir mánuðir eftir...vá

2004-10-24T00:17:00.000Z

Úff, vá langt síðan ég hef bloggað! Sorry öllsömul, ég veit að þið hafið beðið með öndina í hálsinum eða the duck in the throat eins og við segjum hér í útlandinu.
Hmmm...hvað er að frétta? Ég eyði flestum dögum í vinnunni núna, einhver vitleysingur gerði mig að yfirmanni (Jei!) þannig að ég þarf fullt að vinna OG bera ábyrgð! Kreisí.... Annars er vinnan bara ágæt, soldið heilalaus og færibandaleg en fólkið sem ég er að vinna með er fínt. Arman vinnur á morgnana og er geðveikt næs. Hann er hálf írakskur, hálf ítalskur skoti og kjaftar út í eitt, sem er fínt af því að þá þarf ég ekki að hugsa upp eitthvað til að segja ;) Svo er Monika sem er tékknesk. Hún er þrifnaðaróð og talar mjög litla ensku, í staðinn kýs hún að tjá sig frekar með hljóðum, sem er mjög fyndið. Thomas er tveir metrar á hæð, ljóshærður og sterklega byggður. Hann er líka Frakki og talar með fáranlega high-pitched inspector Clouseu hreim...ég hélt að hann væri að grínast fyrst þegar hann opnaði munninn, og hló kurteisislega, en svo fattaði ég að aumingja maðurinn talar bara svona... :D Rob er yfirmaður minn. Hann er fínn, bara soldið stressaður. Þetta eru þeir sem ég vinn mest með, svo er eitthvað annað fólk sem vinnur þarna líka...

Annars er ég voða lítið búin að gera nema versla smá (jakka) og drekka smá (bjór). Annars er Björg systir mín að koma eftir tvær vikur. Það verður gaman. Við ætlum að fara og skoða alla túristastaðina saman, ég hef nefninlega ekki gert neitt af því. Um leið og Björg er farin heim ætla Kolla og Stefán að fara í fimm daga til Barcelona, þannig að ég verð ein í húsinu!!! Partý partý!!!! Og svo kemur Áslaug frænka í viku og svo á ég ammli og svo kem ég heim og svo koma jólin.... þannig að allt er bara á uppleið :)

and back to the real world...

2004-10-12T22:53:00.000Z

hmm...hvar á ég að byrja?
Partý: Partýið var ágætt, svona týpískt partý þar sem maður þekkir engan og þarf því að gera sér far um það að virka eðlileg, mannelskandi, opin týpa...fleh. Ég var ein af þeim fyrstu sem mætti og fyrsti klukkutíminn var soldið akward. Hitti samt íslenska stelpu sem er au pair hérna og heitir Auður. Hah! það er sama hvert ég fer, alltaf finn ég Auði. Hún er voða fín, svona ofboðslega sweet og naíf sveitastelpa (enda frá Akureyri, sem ég hef heyrt að sé einhvers staðar lengst út á landi!) En bjórunum fjölgaði með klukkutímunum og brátt var ég komin í hrókasamræður við norskan þungarokkara og tvær írskar kellingar um eitthvað sem ég get bara ekki með nokkru móti munað hvað var ;) Svo var klukkan orðin hálf þrjú og mín farin að hugsa sér til hreyfings í bæinn...en onei! hérna eru allir svo siðmenntaðir að allir staðir loka klukkan 3! Þá var nú ekki mikið annað að gera nema að fara heim. Ég var samt svo heppin að fá far með pakistönskum kærasta hinnar íslensku stelpunnar sem ég kynntist. Ég held að ég hafi sjaldan verið jafn bílhrædd!! Það er eins og enginn hafi sagt þeim að maður eigi að keyra hægra megin á veginum! En annars þessi stelpa...fjúff. Þeir sem sáu hana Áslaugu frænku mína á sínu versta skeiði vita hvað ég á við. Hún er appelsínugul af ljósabekkjum, alltaf á háum hælum, með brjóstin upp á bringu og eins og hún hafi málað á sig einhvers konar afríska stríðsgrímu. En hvað um það, ég ætla að hitta þær og kíkja á pöbbana á morgun. Það er gott að hafa einhvern að tala við... ;)

Vinna: Fyrsti dagurinn í dag. Mjög týpískur fyrsti vinnudagur. Maður er alltaf eins og auli, og ekki bætir það úr skák þegar frændfólk manns er búið að ljúga því að yfirmönnunum að maður hafi hálfpartinn rekið Gráa köttinn heima á Íslandi...þau voru eitthvað aaaaðeins að misskilja mig. En þetta leiddi til þess að í vinnunni í dag þá vildi eiginlega enginn sýna mér neitt vegna þess að þau gerðu ráð fyrir því að ég kynni þetta allt. Auðvitað kann ég eitthvað,en það er bara allt flóknara þegar það er á öðru tungumáli og með skrýtnum peningum. Góðu fréttirnar eru samt þær að yfirmaðurinn minn er að hugsa um að hækka mig í tign og gera mig að shift leader, sem er basicly vaktstjóri. Það þýðir að ég fæ hærri laun en þessi skíta 4.85 pund á tímann sem ég er að fá núna...haha að ég kann ekkert að vera yfirmaður og höndla peninga og svona...en það lærist kannski.

En talandi um peninga...og þar af leiðandi shopping, þá hef ég afrekað það á einni viku að kaupa mér þrjú pör af skóm, hvert öðru fallegra!! En nú er ég reyndar búin að setja sjálfa mig í skóbúðabann, sem er reyndar ekki nógu gott því það er ekki mikið af flottum fatabúðum hérna...eða kannski er ég bara ekki að fíla tískuna í dag. Það eru nú líka fullt af verslunum sem ég á eftir að kanna....hahah happy times!!!

Partý!!

2004-10-08T14:46:00.000Z

Jei og jibbí!!!

Íslensk stelpa sem býr hérna var að hringja og bjóða mér í partý á morgun!! Loksins fæ ég bjór og fólk á mínum aldri!! Skrifa allt um partýið á morgun :)

Gleði gleði gleði!

2004-10-08T13:09:00.000Z

Jibbí! Að sjalfsögðu tókst mér að næla mér í flensuna sem er að ganga, enda varla til betri leiðir til að kynnast heimönnum en að gleypa sýklana þeirra. Þetssi flensa hefur svo leitt til þess aðég get ekki byrjað að vinna og þar af leiðandi ekki kynnst fólki á mínum aldri sem svo aftur leiðir til þess að ég get ekki kannað pöbbana hér...argh!! ljóta ónæmiskerfi...en annars er ég nú búin að ná að gera svolítið. Fór um daginn niðrá aðalverslunargötuna hér, Princes Street (rétt skrifað) og leist bara ágætlega á hana, keypti mér að vísu ekkert en það verður bætt úr því fljótlega, það er bara svo erfitt að sjoppa þegar maður er með smábarn í kerru. En djöfull er það samt næs að búa svona hjá frændfólki, ég held að ég sé bara búin að eyða um 15 pundum síðan ég kom!! Reyndar er ég ekki búin að drekka neinn bjór en samt þetta er fjandi gott! Í gær fórum við svo og skoðuðum gamla bæinn. Fyrst þurftum við að labba upp að gamla kastalanum sem er hérna í miðbænum. Ég hélt ég myndi deyja! Af hverju er ekki hægt að byggja kastala á jafnsléttu?? En síðan lá leiðin niðrá Grassmarket sem er hverfið þar sem fólk var líflátið í gamla daga. Nú eru þar fullt af pínkulitlum, sjarmerandi búðum sem selja allt frá skotapilsum til indverskra slæðna. Ég ætla að kíkja þangað aftur þegar ég hressist. Annars hef ég voðalega lítið fengið að skoða mig um ein, en það hlýtur að lagast þegar þau átta sig á því að ég verð lengur en eina viku hjá þeim...vona það alla vega. En jæja, nú ætla ég að fara að horfa á skoskt sjónvarp. Það er ein stöð hérna sem er sviðuð Skjá 1, bara þættir :)

Fylgist með í næstu viku þegar Áslaug tekst á við kaffiþyrsta Skota...

Prufa íslenska stafi...

2004-10-07T10:07:00.000Z

Eitthvað undarlegt í gángí með blessaða íslensku stafina... þæéðúíó

Smástelpa í stórborg...

2004-10-06T20:29:00.000Z

argh!! djöfuls drasl!! Það átti að vera meira!!

Nenni ekki að skrifa það allt aftur núna, segi bara frá því seinna...

2004-10-06T20:26:00.000Z

Argh!!! Fjandans drasl! Það átti að koma fullt af drasli á eftirsíðasta bloggi!!!
nenni ekki að skrifa það aftur, segi bara frá því seinna...

2004-10-06T19:59:00.000Z

Jæja, þá er komið að því! Fyrsta bloggið jei!!! Blogg blogg blogg!! hahaha!!!!!

Í dag er annar dagurinn minn hér í Edinborg og ég er búin að læra ýmislegt. T.d það að hér þarf maður að eiga kreditkort ef maður vill komast í þráðlaust net á kaffihúsum...fjandans nísku skotar! ég á ekkert kreditkort!! Þannig að draumur minn um að finna skoskan Kaffibar þar sem ég get hangið allan daginn og sötrað bjór og bloggað er úti :(

En hvað um það...ferðin hingað gekk mjög vel fyrir utan smá eyrnaóþægindi í flugvélinni og fúlan rútubílstjóra. Edinborg er held ég bara fallegasta borg sem ég hef séð, endalausir kastalar og Harry Potter byggingar. Á kvöldin leggst svo mjög sérstök lykt yfir borgina, sem ég get ekki lýst betur en lykt af reyktri partýskinku með Dijon sinnepi...mmmm :) Ég spurði Stephen, mann frænku minnar, hvaða lykt þetta væri og hann sagði mér að þetta væri lyktin af því þegar þeir væru að brugga bjórinn...er ég í himnaríki eða hvað?? Ég fékk mjög fínt herbergi með stóru rúmi og risaskáp. Eftir að ég var búin að koma mér fyrir fór ég með Kollu frænku í smá göngutúr um hverfið.