Ég á svo bágt!
Ef einhver á meira bágt í heiminum en ég núna, þá vinsamlegast gefi hann sig fram við afgreiðslu.Ég er á áttunda degi í flensu, á skemmtilega hósta-og-hor stiginu. Ég er búin að hósta svo mikið að ég finn hvernig heilinn á mér hristist inni í höfuðkúpunni og ég bíð bara eftir því að barkinn minn rifni í tvennt. Ég get ekkert sofið þannig að ég er komin með bauga niðrá hné og er búin að drekka svo mikið Lemsip að það er farið að sullast út um eyrun á mér. Ég er hinn erkitýpíski aumingi með hor.
Dagurinn í dag var vísindalega sannað ömurlegasti dagur ársins. Æj ég veit ekki, mér fannst hann allt í læ burstéð frá litla púkanum sem er að reyna að klóra sér leið út úr hálsinum á mér. Ég fékk meira að segja hrós fyrir fallega gullnar pönnukökur og vel uppraðað beikon. Maður verður að vera þakklátur fyrir litlu hlutina skiljiði.
Hvort finnst ykkur betra orð, glamúrgliðra eða glitgála?
posted by Herra Forseti @ 03:36
2 Comments:
glæsiglenna? nei djók bara bæði betra...
Það væri nú gaman ef að það væri hægt að keppa í "ég á meira bágt en þú" svona opinberlega. Eins og er er ég í óopinberri keppni við alla. Sá sem veitir mér kannski mesta samkeppni er ofvaxni hamsturinn...
Skrifa ummæli
<< Home